Баян-Өндөр сум, сургуулийн 100-н жилийн ойг угтан ЕБС-аас зохион байгуулж байгаа Хөдөлмөрийн гавъяаны улаан тугийн одонт, Алтан гадас одонт, Ардын боловсролын тэргүүний ажилтан Ж. Гомбожав, Т. Доржготов багш нарын нэрэмжит Зүүн бүсийн сумдын математикийн олимпиад амжилттай зохион байгуулагдаж байна. Энэхүү арга хэмжээ нь 2018 онд үр хүүхдүүдийнх санаачлагаар суманд зохион байгуулагдаж байсан бол энэ онд Өвөрхангай аймгийн зүүн бүсийн сумдын дунд зохион байгуулагдаж өргөжиж байна. Уг арга хэмжээг ивээн тэтгэж зохион байгуулсан Ж. Гомбажав багшийн гэр бүл, үр хүүхдүүд Т. Доржготов багшийн гэр бүл, үр хүүхдүүдэд талархал илэрхийлье.

Дурсамж дүүрэн он жилүүдийг ардаа үдэж, эрдмийн их уурхайгаас сав юугаан дүүргэж, даль жигүүрээ ургуулан нисэн одох гэж буй нийт төгсөгчдөдөө болон эрдэмтэн олон багш нартаа Мөнгөн хонхны баярын мэнд хүргэе. 👏👏👏👏 Та бүхний маань эрдмийн гэрэлт аяны зам дардан байж, ирээдүйн оюунлаг, хүчирхэг Монголын төлөө их үйлс тань үргэлж өөдөө дэлгэрэх болтугай.

Өвөрхангай аймгийн Баян-Өндөр сумын түүхт 100-н жилийн хүрээнд зохион байгуулж буй Үндэсний бөхийн "АЙМГИЙН АРСЛАН", шагайн харвааны "МОНГОЛ УЛСЫН ХАРЬШГҮЙ МЭРГЭН" ӨСӨХИЙН БАЛДАНГОМБО агсаны нэрэмжит Үндэсний шагайн харвааны тэмцээн спорт зааланд үргэлжилж байна. Оноо мэргэн, хараа хурц, уухай цээл байх болтугай.

Сумын хоршоо хөгжүүлэх сангийн төсөл сонгон шалгаруулах хурлын товыг иргэдийн Төлөөлөгчдийн хурлын 2024.04.17-ны өдрийн хуралдаанаар товлосон бөгөөд хоршоо хөгжүүлэх сангийн төслийг 2024.05.13-2024.06.13-ны 11 цаг хүртэл Хоршоо, жижиг дунд үйлдвэрлэл хариуцсан мэргэжилтэн Ц.Пүрэвдулам хүлээн авна. Холбогдох утас: 89225087.

Өвөрхангай аймгийн Баян-Өндөр сумын түүхт 100-н жилийн хүрээнд зохион байгуулж буй Үндэсний бөхийн "АЙМГИЙН АРСЛАН", шагайн харвааны "МОНГОЛ УЛСЫН ХАРЬШГҮЙ МЭРГЭН" ӨСӨХИЙН БАЛДАНГОМБО агсаны нэрэмжит Үндэсний бөхийн барилдаан, шагайн харвааны тэмцээн 05 сарын 17, 18 ны өдрүүдэд болно. Бумбат Үндэсний Бөхийн Холбоо БУМБАТ МЭРГЭ шагайн холбоо

ХХААХҮЯ, Монголын Үндэсний Олон Нийтийн Радио Телевизээс шалгаруулдаг “Таван эрдэнэ” нэвтрүүлгийн нэрэмжит Алтан төлийн эзэд шагналаа гардан авлаа. 1️⃣ Баян-Өндөр сумын Бөмбий багийн Аймгийн аварга малчин өрх Цэдэн овогтой Цоодол Алтан хурганы эзэн 2️⃣ Баян-Өндөр сумын Батхаан багийн Аймгийн аварга малчин өрх Содномпил овогтой Батбаяр Алтан хурганы эзэн 3️⃣ Баян-Өндөр сумын Батхаан багийн Аймгийн аварга малчин өрх Жамъянпүрэв овогтой Баяндуулдах Алтан унаганы эзнээр тус тус тодорлоо. Бэлчээрийн мал аж ахуйн уламжлалт арга ажиллагааг боловсронгуй болгож малын ашиг шимийн гарц, чанарыг нэмэгдүүлж, төл бүрийг хорогдолгүй бойжуулан "Алтан төлийн эзэдээр” шагнагдсан малчиддаа баяр хүргэж, буянт мал сүрэг нь өсөж, ашиг шим нь арвижин, амьдрал ахуй нь үргэлж дэвжин дээшилж байхыг хүсэн ерөөе.

Сумын түүхт 100 жилийн ойн баяр наадмын арга хэмжээг зохион байгуулах хүрээнд 2024.07.27-29 өдрүүдэд болох баяр наадмын хөтөлбөрийн төслийг та бүхэнд хүргэж байна. Та бүхэн өөр оновчтой санал, санаачилга байвал дор Комент хэсэгт үлдээгээрэй. Энэхүү хөтөлбөрт нийцүүлэн наадмын талбайн бүтэц, зохион байгуулалтыг төлөвлөх бөгөөд дараагийн удаа ой угтаж хийж буй ажлуудыг цувралаар хүргэх болно.

2024.04.17-ны өдрийн сумын Иргэдийн төлөөлөгчдийн хурлын хуралдаанаар сумын түүхт 100 жилийн ойн баяр наадмыг тэмдэглэн өнгөрүүлэх хөтөлбөр, бай шагналын төсөв, хандив цуглуулах данс, хэрэгжүүлэх арга хэмжээний мэдээллийг сонсож холбогдох үүрэг чиглэл өгсөн. Хурлын хуралдаанаар сумын 100 жилийн ойн бай шагналыг хандив хэлбэрээр авч дараах байдлаар зарцуулахаар баталсныг та бүхэнд танилцуулж байна. Та бүхэн доорх арга хэмжээнүүдэд хандив өгөхөөр бол ойн арга хэмжээг зохион байгуулах ажлын хэсгийн дарга руу 85110598 дугаараар холбогдож мэдээллээ өгөөрэй. Өндөр нутгийнхаа хөгжлийн төлөөх таны сэтгэлд талархал илэрхийлье.

Өвөрхангай аймгийн Баян-Өндөр сум, сургуулийн түүхт 100 жилийн ойн баяр наадмыг зохион байгуулах зорилготой ХАНДИВЫН ДАНС нээлээ. Хандивыг "ӨНДӨР НУТГИЙН ӨВ САН" ТББ-ын 5544193767 тоот дансанд хүлээн авна. Хандивлагч та өөрийн овог нэр, утасны дугаарыг гүйлгээний утга дээр бичиж хандиваа шилжүүлээрэй. Та бүхний санасан бүхэн сэтгэлчлэн бүтэж байхыг ерөөл өргөе. БАЯР НААДАМ ЗОХИОН БАЙГУУЛАХ КОМИСС

Баян-Өндөр сум, сургууль байгуулагдсаны 100 жилийн ойд зориулсан ном бүтээх ажлын хэсэг нь ойн хүрээнд дараах 2 төрлийн номыг бүтээн хэвлүүлэхээр ажиллаж байна. Үүнд: 1. “Өвөрхангай аймгийн Баян-Өндөр сум: 100 жил” хэмээх нэртэй сумын албан түүхийн ном байна. Тус номд сумын түүхэн тойм, газар нутаг, өв соёл, хүн ам, аж байдал, алдартан гавьяатнууд, аж ахуйн нэгж байгууллага, холбоод, өнөөгийн байдал, нутгийн тухай таталбарууд гэсэн агуулгыг багтаана. 2. Хоёр дахь ном нь “Баян-Өндөрийнхөн” гэсэн нэртэй /нэрийг эцэслээгүй/ сумын уугуул, суугуул, эсхүл тус сумтай ажил, амьдралаараа холбогдсон хүмүүсийн намтар, дурсамж, тэмдэглэлийг багтаасан ном байх болно. Хоёрдугаар номд Та өөрийнхөө, аав ээж, өвөө эмээ, ураг удмынхаа талаарх намтар, дурсамж зэргийг мөнхжүүлэх боломж нээлттэй юм. Ингэхдээ ном бүтээх зардлыг иргэд өөрсдөө хариуцах ба тодорхой хэмжээний хураамж төлөх болохыг анхаарна уу! Номд оруулахаар ирүүлэх бичвэрийн шаардлага: - А4 хэмжээтэй 1-5 нүүрт багтаана. - 1-2 чанартай зураг ирүүлнэ. - Бичвэр болон зургийг 2024 оны 6 сарын 10-ны өдөр хүртэл хүлээн авна. Номд оруулах материалыг nyamdorj.s0516@gmail.com хаягаар илгээх, асууж тодруулах зүйл байвал 88804920, 99798948 дугаарын утсаар болон https://www.facebook.com/DUMUG?mibextid=ZbWKwL Санжаагийн Нямдорж гэсэн фэйсбүүк хаягаар холбогдоно уу! НОМ БҮТЭЭХ АЖЛЫН ХЭСЭГ

Монгол улсын 5 дахь ерөнхийлөгч Х.Баттулга, УИХ-ын гишүүн С.Ганбаатар, А.Адъяасүрэн нарын иргэд сонгогчидтой хийх тайлан уулзалт эхлэж байна.

Авто тээвэр, өөрөө явагч хэрэгслийн үзлэг оношилгоо 14-ны ням гарагт эхлэх байсан боловч цаг агаарын хүндрэлээс шалтгаалан нэг өдрөөр хойшилж 4 дүгээр сарын 15, 16, 17-ны өдрүүдэд үргэлжлэн явагдахаар боллоо. Иймд та бүхэн тээврийн хэрэгслийн бүрэн бүтэн байдлаа хангаж, татвар, даатгал, зам ашигласан төлбөр, агаарын бохирдлын хураамж, улсын чанартай замын постоор нэвтэрсэн хураамжаа төлж үзлэг, оношилгоонд бүрэн хамрагдана уу.

СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ XVII ДУГААР ХУРАЛДААН 2024 ОНЫ 04 САРЫН 19 НД ТОВЛОГДЛОО

умын төвийн хашааг нэгдсэн стандартад оруулж граниз хадах, будах, хашааг тэгшлэх, банзны зайг шахах, окардах, зэрэг ажлыг гүйцэтгэх иргэний бүлэг, нөхөрлөлийг шалгаруулж дээрхи ажлыг гүйцэтгүүлнэ. Сумын төсвөөс окар, гранизны будаг, хаалга, хаалганы шон будах будаг зэргийг авч өгөх бөгөөд тухайн хашааг өмчлөгч иргэн граниз хийх банзны үнэ, хашаа тэгшлэх, зай шахах, будах, окардах зэрэг үйлчилгээний хөлсөө өөрсдөө бүрэн хариуцна. Өөрсдөө тухайн ажлуудыг гүйцэтгэх иргэнд окарыг олгож будагаа өөрөөсөө гаргаж будна. Сумын төвийн хашаа нь цагаан өнгийн гранизтай, улаан хүрэн өнгийн окартай, хаалганы шон нь цагаан, хашааны хаалганы дэвсгэр өнгө нь ногоон хүрээ нь цагаан өнгийн будагтай байна. Холбогдох мэдээлэлийг ЗДТГ-ын байранд ирж эсвэл 85110598, 99043867, 95655050 дугаараар холбогдож авна уу.

2024 оны ОНХС-ийн хөрөнгөөр хэрэгжүүлэх нийтийн Нийтийн эзэмшлийн гудамж талбайд 6 ширхэг цамхагт гэрэлтүүлэг тавих тендер зарлагдлаа. Сонирхсон хуулийн этгээд төрийн худалдан авах ажиллагааны цахим систем tender.gov.mn хаягаар худалдан авах ажиллагаанд оролцох боломжтой.

2024 онд санхүүжүүлэх худалдан авах ажиллагааны төлөвлөгөөг та бүхэнд хүргүүлж байна. Эдгээр ажлыг орон нутгийн хөгжлийн сан болон Малын тоо толгойн албан татвар, сумын давсан орлогоос санхүүжүүлэхээр сумын ИТХ-ын 2023.12.08-ны өдрийн тогтоолоор батласан бөгөөд батлагдсан хуваарийн дагуу тендер шалгаруулалтыг зохион байгуулж олон нийтэд хүргэж ажиллах болно. Худалдан авах ажиллагаанд шалгуур хангасан иргэн, Аж ахуйн нэгжүүд оролцож болох бөгөөд тендер шалгаруулалтыг төрийн худалдан авах ажиллагааны цахим систем tender.gov.mn-р дамжуулан явуулна.

Өвөрхангай аймгийн Баян-Өндөр сум, сургууль байгуулагдсаны түүхт 100 жилийн ойн баяр наадам 2024.07.27-28-ны өдрүүдэд болох тов гарлаа. Батлагдсан товын хүрээнд сумын Иргэдийн Төлөөлөгчдийн Хурлаас 4 дүгээр сард баяр наадмын хөтөлбөр, хуваарийг батлан гаргах бөгөөд тухайн үед нь мэдээлэх болно.

Баян Өндөр сум байгуулагдсаны 100 жилийн ойд Гандантэгчэнлин хийдийн дэргэдэх БШДС- ийн дэд захирал Б.Жамбалын санаачлагаар Гэдандаржаалин хийдийг шинээр барих буяны үйлсэд унаган нутгийн иргэд, сүсэгтэн олон та бүхэн идэвхтэй оролцоно уу хэмээн уриалж байна. Дэмжигч : Баян Өндөр сумын Улаанбаатар хот дахь нутгийн зөвлөл, Баян Өндөр сумын иргэдийн хурал, Засаг Даргын Тамгын Газар, Баян-Өндөр Сум Гэдандаржаалин Хийд ; Баригдаж эхлэх: 2024.4.20 ашиглалтанд орох: 2024.7 сар Хандивын данс: 5028129063 Б.Жамбал /жич: Хандивын данс зарцуулалт ил тод бөгөөд МУ -ын гавьяат багш Ж. Чимэдрэгзэн болон гишүүдийн оролцоотой байх / Хандивын хүлээн авалт : Гандан Тэгчэнлин Хийд их гэр 2024. 4. 5 ны 17 цаг Түшээт хан аймгийн Далай гүний хошуу буюу одоогийн Өвөрхангай аймгийн Баянөндөр сум нь Энх-Амгалангийн 31 он буюу 1692 онд анх байгуулагджээ. Далай гүний хошууны гол хийд болох Далай гүнгийн хүрээ нь одоогийн Есөн Зүйл сумын төв Цагаан овооны энгэрт 1801 онд Пунцаг ламын санаачилгаар анх байгуулагдсан ба 4 аймаг, 6 дацан, 16 дуган сүмтэй 1500 ламын данстай Дашчойнхорлин хийд нэртэйгээр байгуулагджээ. Тус хүрээг нутгийн ардууд Шанхын уулнаас дуганы мод, Дөлгөөн уулнаас боржин чулууг олон тооны үхэр хайнагаар зөөж хятад мужаан шаварчин нараар бариулсан түүхтэй. Хошууны төвд хуралтай болох зорилгоор Далай гүнгийн хүрээний нэгэн жас болох Харзтайн сүмийг хошууны сүүлчийн засаг ноён Алтанхуягийн санаачилан Баян-Өндөр сумаас хойш 10 орчим км-ийн зайд Өндөр улаан уулын өвөр харзтайн голын эрэг дагуу 1900 оны үед барьж байгуулсан . Тус дуганы чулууг Дөлгөөн хайрханы Сэнжит цохио хэмээх газраас бэлтгэсэн бөгөөд уртаашаа жаран жан өргөөшөө арван жан хэмжээтэй том дуган байжээ. 1991 онд сүсэгтний холбоо байгуулагдан анхны даргаар хүний их эмч Даажамба, 1992 онд С.Батмөнх, 1994 онд Г.Чагнаадорж, 1997 онд Ц.Цэнд нар сонгогдон ажиллаж байсан ба мөн тус холбооны үе үеийн идэвхитэн гишүүд болох сүсэгтэн Даваагийн Суурь, Төмөртогоо, Цэдэндоржийн Дагий, Я.Дагвадорж, Дашдоржийн Өлзийбат, Шоовдор, Гүндэгмаа, Д.Бадамсүрэн нарын хүмүүс идэвхи зүтгэл гарган оролцож сүсэгтэний холбооний тэргүүн Цэдэнбалын Цэнд бээр санаачлан өвгөн лам нар сүсэгтэн олны дэмжлэгтэйгээр 1997 онд сум хөгжүүлэх сангаас 1.1 сая төгрөгийн зээл авч мөн сүсэгтэн олны хандив тусламжаар нийт 5.5 сая төгрөгийн өртөгтэй дуганыг бариж ашиглалтанд оруулан одоог хүртэл 27 дахь жилдээ хурал ном хурсаар байна. Дуганы барилгыг Д. Өлзийбат багшийн заавар зөвлөгөөн дор хүү Өлзийбатын Баяндуулдах, Бүрэнмэндийн Баасанжав, Батцэрэнгийн Баасанжав, Гомбын Цэдэнсодном нар бүтээн босгосон байна. Шинэ дуган ашиглалтанд ороход тусалсан нэр бүхий эрхэмүүдээс дурдвал: Д.Ёндон /Дөөдөө/, Ядамсүрэн /Уваа/, Улаанбаатараас УИХ-ын гишүүн Лүндээжанцан, Ц.Дагий /өндөр настан/, Д.Суурь тэргүүтэн сумын ард иргэд бүх нийтээр оролцон хандив өргөж барьсан бөгөөд хурлын ширээ, түй мандалын хэрэгсэл тэргүүтэнг Дашдоржийн Өлзийбат урлаж, жавданг Сүрэнгийн Шатар, Бурханы гүнгэрваа зэргийг багш асан Мянганбуугийн үр хүүхдүүд хийж гүйцэтгэжээ. ​Хурал номоо дахин сэргээхэд бие сэтгэлээ зориулж хоёргүй сэтгэлээр зүтгэсэн өвгөн лам нараас дурдвал: Тэргүүн лам Д.Ёндон /дөөдөө/, Унзад лам Ядамсүрэн /уваа/, Шанхын баруун хүрээний их унзад Майдарын Даваа, Ө.Балдангомбо, С.Готов, Б.Юндэн, Ёндонжамц, Д.Цэнд, тэргүүн лам Б. Мандахбаярын өвөг эцэг Ёндон, Мажаа, Дамдинсүрэн, Гүр, Цэрэндагва, Лувсанцэрэн нарын олон дээдсүүд хурлын дэг жаяг, ая дан, чого чагланг орхигдуулалгүй хойч үедээ дахин залгуулаад ертөнцийн мөнх бусыг үзүүлэн бурхны орондоо морилжээ. Баян-Өндөр сумын сүсэгтэн олны буянт үйлсэд зориулан лам Лувсан-Осор, Ц.Дагий нар 2000 онд анхны суваргыг байгуулж, дараа нь 2003 онд уран барималч Д.Баасанжавын дурсгалд зориулж, мөн Мандахын Олзвой түүний хүүхдүүдээс зориулсан буяны суваргууд Баян-Өндөр сумын төвд бүтээгдсэн. Мөн лам Лувсан-Осор, Дагий нар Ганжуурын 108 ботийг сумынхаа хийдэд өргөсөн байна. Мөн Гандантэгчэнлин хийдийн Идгаачойнзинлин хийдийн лам Ч.Балжинням ах дүү, шавь нарын хамт, бурхан болооч Ц.Дагий үр хүүхдүүдийн хамт гадна байрлах Сүм дээвэр бүхий ганжуурын хүрд , Эдүгээ 103 сүүдэр зооглож буй тус харьяат жолооч өндөр настан Ц. Санжаадорж / Сэргэлэн Санжаа/ үр хүүхэд ах дүүсийн хамт Ганжуурын эргэдэг хүрд, Цагдаагийн Ерөнхий газрын дэд, Нийслэлийн Цагдаагийн газрын дарга хурандаа Д. Ядамдорж ах дүүсийн хамт сүмийн үүдэнд байрлах чулуун хоёр чулуун арслан, бурхан болооч С.Шатарын хань үр хүүхдүүдээс чулуун сангийн войпор, Бумбат зүрх ХХК-ын захирал Г. Ичинхорлоо үр хүүхдүүд, ах дүүсийн хамт Арслант ширээ тэргүүтнийн бүтээн залсан. Хийдийн барилгыг хуучин модон худгийн палкаар бүтээн босгосон бөгөөд барилгын суурь маш намхан, бат бөх бус учир жил ирэх тутамд мод нь илжирч суулт өгөн нурахад хүрээд байна. 2022 оны 9-н сард дулааны шугамд холбогдсоноор хүйтэн сэрүүн улиралд ч хурал ном тогтмол хурах нөхцөл боломж бүрдээд байна. 2023 онд МБШТөв- Гандантэгчэнлин хийдийн дэргэдэх Өндөр гэгээн Занабазарын нэрэмжит МБШДСургуулийн дэд захирал Б.Жамбал бээр санаачлан Баян-Өндөр сум байгуулагдсаны 100 жилийн ойн ажлын хүрээнд хийдэд Арван хангал тэргүүтэн сахиус шүтээнүүдийг бүтээлгэн залав. Тодруулбал: бурхан болооч Монгол улсын сайн малчин Чүлтэмийн Аюурзаны хань П.Цэрэнхүү үр хүүхдүүдийн хамтаар Бурхан багш, Манал, Лхам сахиус залсан бол Гонгор сахиусыг Д.Өлзийбатын үр хүүхдүүд,бурхан болооч Дампилын Чулуугын хань Гэлэгпил үр хүүхдүүдийн хамт, Дамдинчойжоо сахиусыг бурхан болооч Юндэнгийн Гансүхийн хань Нансалдулам үр хүүхэд ах дүүсийн хамт , Намсрай сахиусыг бурхан болооч Д. Ханхайн , Л.Нэргүй нарын үр хүүхдүүдээс, Жамсран сахиусыг /Ханхар Лувсанцэдэн өвгөний гол шүтээнийг / бурхан болооч Гомбын Сэр-Одын хань Л. Цэрэндулам үр хүүхэд, ах дүүсийн хамт, Очирваань сахиусыг Даваагийн Суурь гуай үр хүүхдүүдийн хамт, Шалши сахиусыг сүсэгтэний холбооний тэргүүн асан Цэдэнбалын Цэндийн хань Пүрэвжаргал үр хүүхдүүд болон хүргэн С.Гансүх захиралтай “Дэлгэрэх билэг” ххк-аас , Цамба сахиусыг талийгаач Сайнбуянгийн Бавуугийн үр хүүхэд ач зээ нараас тус тус бүтээлгэн залсан байна. Гэдандаржаалин хийд нь одоогоор 6-н лам, 1 үйлчлэгч нийт 7-н хүний бүрэлдэхүүнтэй байнгын хурал номын үйл ажиллагаа явуулж байна. Эрхэм буяны садан та бүхнийг төрөлх сумынхаа 100-н жилийн ойд бодитой хөрөнгийг оруулан Гэдандаржаалин хийдийг шинээр бүтээн байгуулах буяны үйлсэд өөрийн бие хэл сэтгэлийн өглөгийг харамгүй хайрлан идэвхийлэн оролцохыг уриалж байна. Төрсөн нутгийнхаа хөгжил цэцэглэлтэнд оруулсан буян тань арван зүгтээ түгэн дэлгэрч та болон таны эцэг дээдэс үр хүүхдүүдэд тань номын цагаан буян орших болтугай.

Монгол улсын засгийн газрын 2011 оны 339, 340-р тогтоолоор Газар хөдлөлтийн аюулаас урьдчилан сэргийлэх, таниулах өдрийг жилийн бүрийн 3 дугаар сарын 4 дэх долоо хонгийн 4 дэх өдрийн 16-н цагт зохион байгуулдаг. Энэхүү арга хэмжээнд ерөнхий зориулалтын мэргэжлийн ангийн бие бүрэлдэхүүн, иргэдийг цуглуулж дадлага сургуулилт хийж, ЕБС-ийн 300 гаруй хүүхдүүдийг ЕБС дээр нь цуглуулж газар хөдлөлтийн аюулаас урьдчилан сэргийлэх, таниулах сургалт мэдээллийг өгч ажиллаа.

ӨВӨРХАНГАЙ АЙМГИЙН ИТХ-аас 2024 оныг “ЦАХИМ ШИЛЖИЛТИЙГ ЭРЧИМЖҮҮЛЭХ ЖИЛ" БОЛГОН ЗАРЛАСАН. ЗОРИЛТОТ ЖИЛИЙН ХҮРЭЭНД ҮҮРЭН ХОЛБООНЫ СҮЛЖЭЭГҮЙ ӨВӨРЗҮЛЭГТ 3-Р БАГИЙН НУТАГ ИХ ТЭРЭМ УУЛАНД ҮҮРЭН ХОЛБООНЫ СҮЛЖЭЭ ТАВИГДАНА.💯💯💯 ОЛОН ЖИЛ СҮЛЖЭЭТЭЙ БОЛОХ АСУУДАЛ ШИЙДЭГДЭХГҮЙ БАЙСНЫГ ШИЙДВЭРЛЭЖ ӨГСӨН Өвөрхангай аймгийн Засаг дарга И.Доржсүрэн ТАНД ТАЛАРХАЛ ИЛЭРХИЙЛЬЕ.👏👏👏