Элдэв эрдэнэт хэмээх МОДОН МОГОЙ жилийн хаврын тэргүүн сарын шинийн 15-ны билигт сайн өдөр Өвөрхангай аймгийн Арвайхээр хот дахь БАЯН-ӨНДӨР сумын нутгийн зөвлөлийн золголт өргөн дэлгэр сайхан боллоо. Золголтыг БАЯН-ӨНДӨР сумын АРВАЙХЭЭР хот дахь нутгийн зөвлөл амжилттай зохион байгууллаа. Баян-Өндөр сумын нутгийн удирдлагын төлөөлөл болох Засаг даргын орлогч Д.Нямсүрэн, Тамгын газрын дарга Д.Сонинбаяр, Иргэдийн Төлөөлөгчдийн хурлын нарийн бичгийн дарга С.Цэрэндулам, Эрүүл мэндийн төвийн дарга Б.Дашдэлгэр нар золголтод оролцлоо. Золголтод хүрэлцэн ирсэн БАЯН-ӨНДӨРЧҮҮДДЭЭ эрүүл энх, амжилт бүтээлийн дээдийг хүсэн ерөөе.

Өвөрхангай аймгийн Улаанбаатар хотод оршин суудаг иргэдийн нэгдсэн золголт МОНГОЛ БӨХИЙН ӨРГӨӨНД болж өндөрлөлөө. Энэхүү золголтын хүрээн БАЯН-ӨНДӨРЧҮҮД өнөр олуулаа цуглаж бөхийн өргөөнд золголтоо хийлээ. Золголтод хүрэлцэн ирсэн эрхмүүдээс дурдвал Монгол улсын арслан, гавьяат дасгалжуулагч Б.Ганбаатар, гавьяат эдийн засагч А.Зангад, Аж үйлдвэрийн гавьяат ажилтан Д.Түдэвренчин, Б.Дэлгэр, Гавьяат багш Ж. Чимэдрэгзэн, Үйлчилгээний гавьяат ажилтан Мөнхбайна, Далайжаргал, гавьяат малчин Н.Ягаанбанди, Монгол улсын гавьяат жүжигчин Д.Ганбаатар, Гандандтэгчилэн хийдийн дэргэдэх Шашины их сургуулийн дэд захирал Доктор Б.Жамбал, Монгол улсын хошой мэргэн Т.Баярбат, Монгол улсын мэргэн Б.Алтанхуяг, Улсын начин Т.Довчинсэмбээ нарын зэрэг алдартан, ахмад настнууд, нутгийн түмэн хүрэлцэн ирж оролцлоо. Хүрэлцэн ирсэн нийт БАЯН-ӨНДӨРЧҮҮДДЭЭ баярлалаа. Та бүхэнд аз жаргал сайн сайхныг хүсье.

Өвөрхангай аймгийн Баян-Өндөр сумын Батхаан багийн малчин Нанзадын ЯГААНБАНДИ нутаг усныхаа нэрийг алдаршуулж МОНГОЛ УЛСЫН ГАВЬЯАТ МАЛЧИН цол хүртлээ. Н.Ягаанбанди нь -1997 онд УЛСЫН АВАРГА МАЛЧИН -2014 онд АЛТАНГАДАС ОДОН -2022 онд ХӨДӨЛМӨРИЙН ГАВЬЯАНЫ ОДОН хүртэж байсан бол өнөөдөр ийнхүү МОНГОЛ УЛСЫН ГАВЬЯАТ МАЛЧИН хэмээх эрхэм хүндэт цол хүртэж Өвөрхангай аймгийн Баян-Өндөр сумаас төрсөн анхны ГАВЬЯАТ МАЛЧИН боллоо. Монгол улсын гавьяат малчин Н.ЯГААНБАНДИ танд болон танай гэр бүлд БАЯР ХҮРГЭЖ эрүүл энх сайн сайхан бүхнийг хүсэн ерөөе.

Монголын үндэсний бөхийн холбооноос Монголын Үндэсний Бөхийн Холбоо- Үндэсний бөхийг түгээн дэлгэрүүлж, хөгжүүлж байгаа сум, аймгийн салбар холбоод, дэвжээдээс тухайн жилд хийж гүйцэтгэсэн ажил, үйл ажиллагааг дүгнэж, сар шинийн босгон дээр тухайн жилийн шилдэг салбар холбоо, дэвжээг шалгаруулсан байна. Сумандаа тогтмол барилдаан зохион байгуулж, сум аймгийнхаа бөхчүүдийг тогтмол бэлтгэл сургуулилалтад хамрагдах нөхцөлийг бүрдүүлэн ажиллаж буй Өвөрхангай аймгийн Баян-Өндөр сумын "Бумбат" үндэсний бөхийн холбоо “ЛУУ ЖИЛИЙН ШИЛДЭГ СУМЫН БӨХИЙН САЛБАР ХОЛБОО”-оор шалгарлаа. Шагналыг Монголын үндэсний бөхийн холбооны тэргүүн, улсын заан Цэрэндашдоржийн МАГАЛЖАВ Өвөрхангай аймгийн Баян-Өндөр сумын "Бумбат" үндэсний бөхийн холбооны тэргүүн, аймгийн алдарт уяач Ичинхорлоогийн НАРАНЦОГТОД гардууллаа. Монгол улсын Сумын шилдэг Бөхийн салбар холбоогоор шалгарсан Бумбат Үндэсний Бөхийн Холбоо-ны хамт олон та бүхэн баяр хүргэж, ажлын их амжилт сайн сайхныг хүсэн ерөөе. Та бүхнийг Монгол бөхийн босоо цагаан хийморь өнө мөнх ивээж байх болтугай.

Элдэв Эрдэнэт хэмээх хөхөгчин могой жилийн сар шинийн барилдаан амжилттай зохион байгуулагдлаа. Өсвөрийн 24 бөх, улс, аймгийн цолтой 48 бөхийн барилдаан зохион байгуулагдлаа. Өвөрхангай аймгийн Баян-Өндөр сумын уугуул сумын заан Мижиддоржийн Лхагвасүрэнгийн хүү Хужирт сумын харьяат аймгийн начин Одбаяр түрүүлж Өвөрхангай аймгийн Бүрд сумын харьяат сумын Заан М.Мөнхбат үзүүрлэж Өвөрхангай аймгийн Баян-Өндөр сумын харьяат залуу бөх Дарамбазарын Өсөхбаяр шөвгийн 3-д шалгарч мөн УРАН БАРИЛДААНЫ шагналыг хүртлээ. Дунд шөвгийн 6-д Өвөрхангай аймгийн Бүрд сумын харьяат аймгийн начин Г.Пүрэвдорж, Өвөрхангай аймгийн Баян-Өндөр сумын харьяат сумын заан Ц.Амгаланбаатар, Сумын начин Э.Адьяахүү нар шалгарлаа. Өсвөрийн 24 бөхийн барилдаанд Түрүү 12-ын А ангийн сурагч Жаргалбатын ГАНБАЯР Үзүүр Мөнхсайханы ДАГВАДОРЖ 3-р байр 10-ын А ангийн сурагч Мэгзэмийн ЭРДЭНЭХҮҮ 4-р байрт 12-ын А ангийн сурагч Бямбадоржийн ДАВААЖАРГАЛ 5-р байрт 12-ын А ангийн сурагч Үйтүмэнгийн ДАМДИН 6-р байрт 10-ын Б ангийн сурагч Жаргалсайханы Рэнзэнчимбэ нар шалгарлаа. Тухайн барилдааныг 3-р багийн иргэн, Сумын аварга малчин Мягмаржавын НЯМХҮҮ- 1 сая төгрөг. Сумын заан Чимэддагвын АЛТАНТҮЛХҮҮР 400.0 ( 400 мянган ) төгрөг. ЗДТГ-300.0 ( 300 мянга )төгрөг. нийт 1700.0 ( 1 сая 700 мянга ) төгрөгөөр ивээн тэтгэж зохион байгууллаа.

Өвөрхангай аймгийн Засаг даргын захирамжаар АЙМГИЙН АВАРГА МАЛЧИН болсон нэр бүхий малчдын шагналыг Өвөрхангай аймгийн Байгаль орчны газрын дарга Т. Эрдэнэбаяраар ахлуулсан ажлын хэсэг 2025.02.22-23ны өдрүүдэд гардуулан өглөө. Энэ онд АЙМГИЙН АВАРГА МАЛЧИН өрхөөр БӨМБИЙ 1 дүгээр багийн малчин - Ханхайн БОЛД эхнэр Раднаабазарын БУЯНХИШИГ, - Рэнцэнбазарын МАНДАЛ эхнэр Хаянхярваагийн УРТНАСАН - Монхоодойн ИХЗОРИГ эхнэр Догообандийн БАТЗАЯА БАТХААН 2 дугаар багийн малчин - Цэвэгсүрэнгийн БАЯНМӨНХ эхнэр Дашпунцагийн БААСАНЖАВ ӨВӨРЗҮЛЭГТ 3 дугаар багийн малчин -Цэгмидийн МӨНХСАЙХАН эхнэр Шоовдорын ДОРЖХАНД ХАРТОЙРОМ 4 дүгээр багийн малчин -Жанлавын МӨНХСАЙХАН эхнэр Далайн МАГВАНХҮҮ БУМБАТ 5 дугаар багийн малчин - Дашзэвэгийн БАЯНДУУЛДАХ эхнэр Дашинжавын ОЮУНЧИМЭГ - Дашзэвэгийн БАЯНДЭЛГЭР эхнэр Болдбаатарын ЦЭНД нар шагналаа гардан авлаа. Аймгийн аварга малчин өрхүүдэд сумын зүгээс ТАЛАРХАЛ илэрхийлж, хүндэтгэл үзүүллээ. 2024 оны ажил хөдөлмөрөө үнэлүүлж АЙМГИЙН АВАРГА МАЛЧИН өрх шагналыг хүртсэн нийт малчдадаа эрүүл энх, ажил хөдөлмөрийн өндөр амжилт хүсэн ерөөе.

Улсын аварга малчин өрхөөр шалгарсан Бөмбий 1 дүгээр багийн малчин Долгорсүрэнгийн Нямзав, түүний гэргий Дондогийн Энхтуяа нар 1983 оноос хойш тасралтгүй 42 жил мал аж ахуйн салбарт ажилласан тэрээр ийнхүү хөдөлмөр, зүтгэлээ төрдөө үнэлүүлж, Монгол Улсын аварга малчин гэх хүндтэй шагналыг хүртлээ. Танд болон танай гэр бүлд баяр хүргэж, цаашдын ажил, үйлсэд нь амжилт бүтээлийг хүсэн ерөөе.

2025 оны 1 дүгээр сарын 20-ноос 24-ний өдрүүдэд зохион байгуулагдсан багийн ИНХ-аар олонхын санал авсан багийн Засаг дарга нарыг батламжилах, БИНХ-ын хуралдаан даргалагч нарын тамга гардуулах арга хэмжээ боллоо. БИНХ-ын хуралдаан даргалагч, багийн Засаг дарга нарт хандан сумын ИТХ-ын дарга С.Баянжаргал, сумын Засаг дарга С.Чулууншагай, ЗДТГ-ын дарга Д.Сонинбаяр нар үг хэлж, амжилт хүслээ. Шинээр томилогдсон БЗД нартай батламжийг үзэглэж, томилсон шйидвэрийг төрийн тамганы хамт гардуулан өглөө. -Бөмбий 1 дүгээр БЗД-р Аваргын ГАНБААТАР -Батхаан 2 дугаар БЗД-р Номхүүгийн ДЭЛГЭРБАТ -Өвөрзүлэгт 3 дугаар БЗД-р Шоовдорын Гүрдорж -Хартойром 4 дүгээр БЗД-р Нацагдоржийн ГЭНДЭНЖАМЦ -Бумбат 5 дугаар БЗД-р Энхбатын ЖАНЛАВ нар томилогдож -Бөмбий 1 дүгээр БИНХ-ын хуралдаан даргалагч Бандийн ЛХАГВАСҮРЭН -Батхаан 2 дугаар БИНХ-ын хуралдаан даргалагч Мягмардоржийн БАТ-ЭРДЭНЭ -Өвөрзүлэгт 3 дугаар БИНХ-ын хуралдаан даргалагч Батдэлгэрийн ЁНДОНЖАМЦ -Хартойром 4 дүгээр БИНХ-ын хуралдаан даргалагч Шийтэрийн ЛХАМСҮРЭН -Бумбат 5 дугаар БИНХ-ын хуралдаан даргалагч Мөнхдэлгэрийн ЭНЭБИШ нар тамгаа гардан авлаа. ТА БҮХЭНД АЖЛЫН ӨНДӨР АМЖИЛТ ХҮСЬЕ.

Элдэв эрдэнэ хэмээх модон Могой жилийн сар шинийн баярт зориулсан улс аймаг сумын цолтой болон залуу бөхчүүдийн барилдаан 2025.02.25-нд Баян-Өндөр суманд МОНГОЛ УЛСЫН ГАВЪЯАТ ДАСГАЛЖУУЛАГЧ Б.ГАНБААТАРЫН нэрэмжит спорт заланд болох тул бөхчүүд бөх сонирхогч та бүхнийг хүрэлцэн ирэхийг урьж байна.

2024 оны мал тооллогын дүнгээр шинээр МЯНГАТ МАЛЧИН болсон 11 өрхийн мянгат малчны үнэмлэх, энгэрийн тэмдэгийг сумын Засаг даргын захирамжаар томилогдсон ажлын хэсгүүд гардуулан өгөх арга хэмжээг зохион байгууллаа. "МЯНГАТ МАЛЧИН" үнэмлэх, энгэрийн тэмдэгийг Бөмбий 1 дүгээр багийн малчин -Баасанжавын АЛТАНСҮХ -Лувсандагвын БАТ-ЭРДЭНЭ Батхаан 2 дугаар багийн малчин -Сумъяадоржийн ЛХАГВАА -Лхагва-Очирын ДАВААНЯМ -Мөнхтогтохын БАЯНМӨНХ -Жамбын СЭДЭДЖАВ -Бядраны ГАНБОЛД Өвөрзүлэг 3 дугаар багийн малчин -Галсангийн СҮРЭНДЭМБЭРЭЛ -Батцэрэнгийн АНХБАЯР Бумбат 5 дугаар багийн малчин -Тогтохсүрэнгийн БОЛДБААТАР -Тогтохсүрэнгийн БАТБААТАР нарт гардуулан өглөө. ТА БҮХНИЙ БУЯНТ МАЛ СҮРЭГ ЧИНЬ АРВИЖИН ДЭЛГЭРЭХ БОЛТУГАЙ.

УИХ-ын гишүүн Ганзоригийн Тэмүүлэн 2025 оны 2 дугаар сарын 13-ны 18 цагт Соёлын төвд иргэд сонгогчидтой уулзалт хийнэ. Та бүхнийг өргөнөөр хүрэлцэн ирэхийг урьж байна. Мөн уулзалтад аймгийн Засаг дарга О.Пүрэвдорж оролцоно.

2024 оны сумын аварга малчдын шагналыг 2025.02.11-12-ны өдрүүдэд томилогдсон ажлын хэсгүүд гардуулан өгөх ажлыг зохион байгууллаа. Сумын "АВАРГА МАЛЧИН"-аар Бөмбий 1-р багийн малчин -Баатархүүгийн БУМАНДЭМБЭРЭЛ-ийн гэр бүл -Дамдинсүрэнгийн ОТГОНБАЯР-ын гэр бүл -Раднаабазарын ЭРДЭНЭДАЛАЙ-гийн гэр бүл Батхаан 2-р багийн малчин -Халзангийн ЧИМЭДДОРЖ-ийн гэр бүл -Шинэзуны ЦОЛМОНБАЯР-ын гэр бүл Өвөрзүлэгт 3-р багийн малчин -Мягмаржавын НЯМХҮҮ - Батцэрэнгийн АНХБАЯР-ын гэр бүл -Галсангийн СҮРЭНДЭМБЭРЭЛ-ийн гэр бүл Хартойром 4-р багийн малчин -Батсүхийн ГОМБОДОРЖ-ийн гэр бүл -Санжаагийн ДАШЦЭРЭН-гийн гэр бүл -Мөнхдалайн БАЯРСАЙХАН-ы гэр бүл Бумбат 5-р багийн малчин -Даансрангийн БААТАРСҮРЭН-гийн гэр бүл -Болдбаатарын АРИУНБАЯР-ын гэр бүл -Дондовын БАТДОРЖ-ийн гэр бүл шалгарсан байна. ТА БҮХНИЙ АЖИЛ ҮЙЛС, АМЬДРАЛ БҮТЭЭЛД УЛАМ ИХ АМЖИЛТ ХҮСЬЕ.

Сумын ИТХ-ын 2024 оны 12 дугаар сарын 25-ны өдрийн хуралдаанаар Малын тоо толгойн албан татварын хэмжээг шинэчлэн тогтоож захиргааны хэм хэмжээний актын улсын нэгдсэн сангийн 7099 дугаарт бүртгүүллээ. Малын тоо толгойн албан татварын хэмжээг дараах байдлаар шинэчлэн тогтоолоо. 1. Тэмээ 0 төгрөг 2. Адуу 500 төгрөг 3. Үхэр 300 төгрөг 4. Хонь 300 төгрөг 5. Ямаа 500 төгрөг

Алдарт Эхийн нэг, хоёрдугаар зэргийн одонд шинээр орох иргэд 2 дугаар сарын 20-ны дотор Хууль эрх зүйн мэргэжилтэнд материалаа бүрдүүлж өгнө үү. Тавигдах шаардлага:  4-5 хүүхэд төрүүлж өсгөсөн бол Алдарт эхийн 2 дугаар зэргийн одон  6 буюу түүнээс дээш хүүхэд төрүүлж өсгөсөн бол Алдарт эхийн 1 дүгээр зэргийн одон  Хамгийн бага хүүхэд тухайн жилийн 05 дугаар сарын 01-ний өдөр нэг нас хүрсэн байх  3 хүртэлх наснаас өмнө өргөж авсан хүүхэд хамаарна. Бүрдүүлэх материал: • Өргөдөл • Иргэний үнэмлэх / Эхийн / • Хүүхдүүдийн төрсний гэрчилгээний хуулбар, насанд хүрсэн бол иргэний үнэмлэхний хуулбарын хамт • 18-аас доош насны хүүхдэд ЭМТөвөөс эрүүл бойжиж байгаа бичиг А4 цаасан дээр гаргуулах • Багийн Засаг Даргын тодорхойлолт Лавлах утас: 88703898

Баян-Өндөр сумын Бумбат, 5-р багийн ИНХурал 2025 оны 01-р сарын 24-нд хуралдаж багийн ИНХурлын дарга, багийн Засаг дарга нарыг сонголоо. Иргэдийн нийтийн хуралд 327 иргэн санал өгч оролцсоноос: БИНХурлын даргад 1. Мөнхдэлгэрийн ЭНЭБИШ / 216 хүний санал/-66% 2. Лувсандоржийн БАЯРСАЙХАН/ 102 хүний санал/ 31.1% Багийн засаг даргад 1. Энхбатын ЖАНЛАВ/ 230 хүний санал/-70.3% 2. Мягмаржавын ЦЭРЭНДАШ / 87 хүний санал/-26.6%-ийн санал авлаа. БИНХурлын даргад Мөнхдэлгэрийн ЭНЭБИШ сонгогдож , Багийн засаг даргад Энхбатын ЖАНЛАВ нар сонгогдлоо. Э.Жанлавыг багийн Засаг даргад томилуулахаар Сумын Засаг даргад уламжлахаар шийдвэрлэлээ. Нийт нэр дэвшигчиддээ цаашдын ажилд нь амжилт хүсэж багийн хуралдаа идэвхитэй оролцсон БУМБАТ багийнханд талархал илэрхийлье.

Баян-Өндөр сумын Хартойром, 4-р багийн ИНХурал 2025 оны 01-р сарын 23-нд хуралдаж багийн ИНХурлын дарга, багийн Засаг дарга нарыг сонголоо. Иргэдийн нийтийн хуралд 257 иргэн санал өгч оролцсоноос: БИНХурлын даргад 1. Ш.Лхамсүрэн/ 164 хүний санал/-63.8% 2. Б.Мөнхбат / 88 хүний санал/ 33.8% Багийн засаг даргад 1. Н. Гэндэнжамц / 150 хүний санал/-58.3% 2. Э.Цэрэндаш / 64 хүний санал/-24.9% 3. Д.Гэндэнсүрэн /43 хүний санал/16.7%-ийн санал авлаа. БИНХурлын даргад Шийтэрийн Лхамсүрэн, Багийн засаг даргад Нацагдоржийн Гэндэнжамц нар сонгогдож багийн засаг даргад Н.Гэндэнжамцыг томилуулахаар Сумын Засаг даргад уламжлахаар шийдвэрлэлээ. Нийт нэр дэвшигчиддээ цаашдын ажилд нь амжилт хүсэж багийн хуралдаа идэвхитэй оролцсон ХАРТОЙРОМ багийнханд талархал илэрхийлье.

Баян-Өндөр сумын Өвөрзүлэгт, 3-р багийн ИНХурал 2025 оны 01-р сарын 22-нд хуралдаж багийн ИНХурлын дарга, багийн Засаг дарга нарыг сонголоо. Иргэдийн нийтийн хуралд 217 иргэн санал өгч оролцсоноос: БИНХурлын даргад 1. Батдэлгэрийн Ёндонжамц Багийн засаг даргад 2. Шоовдорын Гүрдорж нар өрсөлдөж илээр санал хурааж 100 %-ийн саналаар тус тус дэмжигдэж БИНХурлын даргад Б.Ёндонжамц, Багийн Засаг даргад Ш.Гүрдорж нар сонгогдлоо. Багийн засаг даргад Ш.Гүрдоржийг томилуулахаар Сумын Засаг даргад уламжлахаар шийдвэрлэлээ. Багийн хуралдаа идэвхитэй оролцсон Өвөрзүлэгт багийнханд талархал илэрхийлье.

Баян-Өндөр сумын Батхаан, 2-р багийн ИНХурал 2025 оны 01-р сарын 21-нд хуралдаж багийн ИНХурлын дарга, багийн Засаг дарга нарыг сонголоо. Багийн ИНХ-д 234 иргэн санал өгч оролцсоноос: БИНХурлын даргад 1. М. Бат-эрдэнэ/ 132 хүний санал/-56.4% 2. Ц. Төрбат/ 83 хүний санал/ 35.4% 3. Г. Бат-Амгалан / 14 хүний санал/ 5.9% Багийн засаг даргад 1. Н. Дэлгэрбат/ 165 хүний санал/-70.5% 2. П. Батдалай/ 63 хүний санал/-26.9%-ийн санал авлаа. БИНХурлын даргад Мягмардоржийн Бат-эрдэнэ, Багийн засаг даргад Номхүүгийн Дэлгэрбат нар сонгогдож багийн засаг даргад Н. Дэлгэрбатыг томилуулахаар Сумын Засаг даргад уламжлахаар шийдвэрлэлээ. Нийт нэр дэвшигчиддээ цаашдын ажилд нь амжилт хүсэж багийн хуралдаа идэвхитэй оролцсон БАТХААН багийнханд талархал илэрхийлье

Баян-Өндөр сумын Бөмбий 1-р багийн ИНХурал 2025 оны 01-р сарын 20-нд хуралдаж багийн ИНХурлын дарга, Багийн засаг дарга нарыг сонголоо. Багийн ИНХ-д 263 иргэн санал өгч оролцсоноос: БИНХурлын даргад 1. Б. Лхагвасүрэн / 146 хүний санал/-55.3% 2. Х. Жавхлансайхан / 115 хүний санал/ 43.5% Багийн засаг даргад 1. А. Ганбаатар / 156 хүний санал/-59.3% 2. М. Бат-Эрдэнэ / 105 хүний санал/-39.4%-ийн санал авлаа. БИНХурлын даргад Б.Лхагвасүрэн, Багийн засаг даргад А. Ганбаатар нар сонгогдож багийн засаг даргад А. Ганбаатарын томилуулахаар Сумын Засаг даргад уламжлахаар шийдвэрлэлээ. Нийт нэр дэвшигчиддээ цаашдын ажилд нь амжил хүсэж багийн хуралдаа идэвхитэй оролцсон БӨМБИЙ багийнханд талархал илэрхийлье.

Монгол улсын засаг захиргаа, нутаг дэвсгэрийн нэгж, түүний удирдлагын тухай хуулийн 32 дугаар зүйлийн 32.7 дахь хэсэгт Сум, дүүргийн иргэдийн Төлөөлөгчдийн Хурлын ээлжит сонгуулийн дараах баг, хорооны иргэдийн Нийтийн Хурлын хуралдааныг сум, дүүргийн Засаг дарга шинээр томилогдсоны дараа зохион байгуулна гэсэн заалтын хүрээнд зохион байгуулагдах Багийн Засаг даргыг сонгох Иргэдийн нийтийн хурлууд дараах хуваарийн дагуу • 2025.01.20-ны Даваа гарагийн 12 цагт 1-р багийн ИНХ БӨМБИЙ багийн төвд • 2025.01.21-ны Мягмар гарагийн 12 цагт 2-р багийн ИНХ БАТХААН багийн төвд • 2025.01.22-ны Лхагва гарагийн 12 цагт 3-р багийн ИНХ ӨВӨРЗҮЛЭГТ багийн төвд • 2025.01.23-ны ПҮРЭВ гарагийн 12 цагт 4-р багийн ИНХ ХАРТОЙРОМ багийн төвд • 2025.01.24-ны Баасан гарагийн 12 цагт 5-р багийн сумын СОЁЛЫН төвд тус тус хуралдана. Иймд иргэд та бүхнийг багийн Засаг дарга сонгох Иргэдийн нийтийн Хуралдаа идэвхитэй оролцохыг УРЬЖ байна. Монгол улсын засаг захиргаа, нутаг дэвсгэрийн нэгж, түүний удирдлагын тухай хуулийн 56-р зүйлийн 56.4 дэх хэсэгт Баг, хорооны Засаг даргад нэр дэвшигч дараах шаардлагыг хангасан байна: 56.4.1. Багийн Засаг даргад бүрэн дундаас дээш боловсролтой; 56.4.2. Шүүхийн шийдвэрээр тогтоогдсон зээл, батлан даалтын болон бусад гэрээгээр хүлээсэн хугацаа хэтэрсэн өргүй байх; 56.4.3.Шүүхийн шийдвэрээр тогтоогдсон татварын өр төлбөргүй байх; 56.4.4.Ялгүй байх шаардлагыг хангасан иргэд холбогдох нотлох баримтыг бүрдүүлэн 2025.01.17-ны 18 цагаас өмнө сумын Иргэдийн Төлөөгчдийн Хурлын мэргэжилтэнд хүлээлгэн өгнө үү. Холбогдох мэдээлэлийг сумын ИТХ-ын ажлын албанаас авна уу. 99023958, 99966452, 89404204