Өв соёлоо дээдэлдэг ард түмний маань эрхэм уламжлал болсон тахилга, наадмын үйл ажиллагаанд нийт иргэдийг өргөнөөр оролцохыг урьж байна. 📍 Байршил: • Баян-Өндөр хайрхан • Дэлийн нуур – бэсрэг наадмын талбай 🕘 Хөтөлбөр: • ⏰ 06:00 – Тахилгын овоон дээр очиж, идээ шүүсээ засах • ⏰ 07:00 – Тахилгын ном унших • ⏰ 08:30 – Тахилгын овооноос бууж, наадмын талбайд очих • ⏰ 09:00 – Их насны морьдын бүртгэл, мордуулах • ⏰ 09:30 – Бөхийн барилдааны бүртгэл • ⏰ 10:00 – Шагайн харвааны бүртгэл • ⏰ 11:00 – Дааган насны морьдын бүртгэл, мордуулах • ⏰ 12:30 – Түрүүлж айрагдсан морьдын шагнал гардуулах • ⏰ 13:00 – Шөвгөрсөн бөхчүүдийн шагнал гардуулах 📌 Зохион байгуулагч: Баян-Өндөр сумын ИТХ, ЗДТГ, нутгийн малчид, иргэд

2025 оны 5-р сарын 30-ны өдөр Баян-Өндөр суманд “Алдарт эх”-ийн одон гардуулах ёслолын үйл ажиллагаа амжилттай болж өндөрлөлөө. Энэхүү арга хэмжээ нь олон хүүхэд төрүүлж өсгөсөн ээжүүдийн хөдөлмөр, халамжит сэтгэлийг алдаршуулсан, нийгмийн үнэт зүйлсийг дээдэлсэн сайхан өдөр боллоо. 🥇 “Алдарт эх”-ийн 1-р зэргийн одон хүртсэн ээжүүд: • Өвөр Зүлэгт баг: • Н. Батсүх • Б. Ичинхорлоо • Д. Хишигт • Ц. Цогцолмаа • Хартойром баг: • Ж. Дармаабал • С. Уранцэцэг 🥈 “Алдарт эх”-ийн 2-р зэргийн одон хүртсэн ээжүүд: • Бөмбий баг: • Д. Отгонцэцэг • Батхаан баг: • П. Бадамцэцэг • М. Пүрэвсүрэн • Л. Сандагчимэд • Б. Аюуш • Өвөр Зүлэгт баг: • З. Ариунцэцэг • С. Дэлгэрмаа • Б. Хонгорзул • Б. Сувд • Бумбат баг: • Д. Тунгалаг • Ч. Бямбасүрэн • Д. Оюунцэцэг • Б. Золжаргал 👑 Бусад хүндэтгэл: Мөн энэхүү ёслолоор “Уран бэр”, “Дархан бэр” шагналуудыг нэр бүхий ээжүүдэд гардуулан өгч, тэдний гэр бүл, уламжлалт үнэт зүйлсийг дээдэлж буйг онцоллоо.

ХҮҮХДИЙН БАЯР"-ЫН АРГА ХЭМЖЭЭ, ХҮҮХЭД " " БИДНИЙ ИРЭЭДҮЙ " АРГА ХЭМЖЭЭНИЙ ХӨТӨЛБӨР

Эх үрсийн баярыг тохиолдуулан 2025 оны 5 дугаар сарын 30-ны өдрийн 12:00 цагт сумын Соёлын төвд “Эхийн алдар” одон гардуулах ёслолын арга хэмжээ зохион байгуулагдана. Энэ жил: • “Эхийн алдар” I дугаар одонг – 6 ээж • “Эхийн алдар” II дугаар одонг – 13 ээж тус тус хүртэхээр болсон бөгөөд нийт 19 эрхэм ээж төр засгийн шагнал хүртэх гэж байна. Та бүхнийг энэхүү хүндэтгэлийн арга хэмжээнд хүрэлцэн ирэхийг урьж байна.

ИТХ-ын төлөөлөгчдийн суурь мэдлэг, чадварыг дээшлүүлэх” сургалт эхэллээ Иргэдийн Төлөөлөгчдийн Хурлын (ИТХ) төлөөлөгчдөд зориулсан суурь сургалт нь орон нутгийн төлөөлөгчдийг эрх зүйн мэдлэг, үүрэг хариуцлага, төлөвлөлт, санхүүгийн хяналт зэрэг чиглэлээр бэлтгэж, үр нөлөөтэй, ил тод, хариуцлагатай ажиллах чадавхыг нь нэмэгдүүлэх зорилготой юм

2025 оны 5-р сарын 23-ны өдөр Баян-Өндөр суманд болсон Аймгийн Улсын бүртгэлийн хэлтэс болон Газрын харилцаа, барилга хот байгуулалтын газрын нээлттэй хаалганы өдөрлөг амжилттай зохион байгуулагдаж, иргэд төрийн үйлчилгээг газар дээр нь шуурхай авч, зөвлөгөө мэдээлэлтэй боллоо. ✅ Өдөрлөгийн хүрээнд: • Газрын асуудлаар зөвлөгөө, бүртгэл • Эд хөрөнгийн эрхийн бүртгэл • Хуулийн этгээдийн бүртгэл • Иргэний бүртгэл, гадаад паспортын захиалга зэрэг үйлчилгээ үзүүлэв. Иргэдийн оролцоо өндөр, үйлчилгээ хүртээмжтэй байж, төрийн байгууллагуудын иргэдэд ойртсон, нээлттэй, ил тод үйл ажиллагааны жишээ боллоо. 👏

Нутгийн дуучдын тоглолт тоглогдоно.🎤❤️❤️❤️🎼Баян-Өндөр сумын уугуул МУСТА дуучин С.Нэргүй, болон залуу дуучин Э.Баярмаа нарын хамтарсан тоглолт. 5 сарын 24-нд 📌 Өвөрхангай аймгийн Баян-Өндөр суманд тоглогдоно. Эрхэм хүндэт нутгийн зон олон та бүхнийг хүндэтгэн урьж байна.🎊

2025.05.23-ны өдөр Баян-Өндөр сумын ЗДТГ, Өвөрхангай аймгийн Улсын бүртгэлийн хэлтэс, Газрын харилцаа барилга хот байгуулалтын газартай хамтран нээлттэй хаалганы өдөрлөг зохион байгуулна. ✍🏻Газрын харилцаатай холбоотой бүх асуудал ✍🏻Эд хөрөнгийн эрхийн бүх бүртгэл, зөвлөгөө мэдээлэл ✍🏻Хуулийн этгээдийн бүх бүртгэл, зөвлөгөө мэдээлэл ✍🏻Иргэний бүртгэлийн бүх бүртгэл, зөвлөгөө мэдээлэл -Гадаад пасспортын захиалга-н үйлчилгээ зэрэг асуудлаа шийдвэрлүүлж заавар зөвлөгөө авч үйлчлүүлнэ үү. Мөн аймгийн Газрын харилцаа, барилга хот байгуулалтын газар нь ИРГЭДИЙН ИТГЭЛИЙГ ХҮЛЭЭСЭН ТӨРИЙН ҮЙЛЧИЛГЭЭНИЙ ЖИЛ”-ийн хүрээнд “БИД ИРГЭДЭЭ СОНСОЖ, ШИЙДНЭ” нээлттэй хаалганы өдөр мөн энэ өдөр зохиогдоно. ✅2024 оны ГЗБ-д батлагдсан 172 нэгж талбарын өргөдлийг авч Засаг даргын захирамж гаргасан. Үүний хүрээнд дараах 172 иргэн тухайн өдөр ирж Газрын гэрээ, гэрчилгээ, кадастрын зураг хэвлүүлж авна. / Жич Нэгж талбарын хувийн хэрэг 8430 төгрөг 100100008402 Өв ГХБХБГ гэсэн дансанд тушаасан байна. Гүйлгээний утга: 6201 иргэний нэр/ ✅Хэмжилтийн компаний мэргэжилтэн мөн энэ үеэр ажиллах бөгөөд 2024 онд сумын төвд шинээр газар эзэмших эрх үүссэн иргэд, ААН-үүд хэмжилт хийлгэж, Эргэлтийн цэгээ тогтоолгоно. ✅Мөн Газрын харилцаа болон Улсын бүртгэлтэй холбоотой бүх төрлийн төрийн үйлчилгээг иргэдэд үзүүлэх болно.

ҮРИЙН ЗАХИАЛГА АВЧ БАЙНА ХХААХҮЯ-наас 2025 онд хөнгөлттэй үнээр үр олгохгүй болсон тул Баян-Өндөр сумын Хөдөө аж ахуйн тасаг-аас дараах хүнсний ногооны үр, үрсэлгээний захиалга авч байна: 1. Үрийн төрөл: • Төл сонгино • Байцаа • Манжин • Сармис 2. Үрсэлгээний төрөл: • Огурци (өргөст хэмх) • Помидор Захиалга авах хаяг: Баян-Өндөр сум, Хөдөө аж ахуйн тасаг Холбогдох утас: 89937001

Өвөрхангай аймгийн БАЯН-ӨНДӨР сумын ХӨГЖЛИЙН ЕРӨНХИЙ ТӨЛӨВЛӨГӨӨ хийх тендер зарлагдаж “ЭРХЭТ КОНСТРАКШН” ХХК шалгарч СУМЫН ХӨГЖЛИЙН ЕРӨНХИЙ ТӨЛӨВЛӨГӨӨ БОЛОВСРУУЛАХ ажлын гэрээг байгууллаа. Хөгжлийн ерөнхий төлөвлөгөөний ажлыг энэ оны 11 дүгээр сарын 10 өдөр дуусгаж хүлээлгэн өгөхөөр компанийн зүгээс мэдэгдлээ. Сумын хөгжлийн ерөнхий төлөвлөгөө хийгдсэнээр ✅Суманд шинээр газар өмчлөх, эзэмших газрыг төлөвлөх ✅Төлөвлөлтийн дагуу зам шугам сүлжээг байгуулах ✅Инженерийн дэд бүтцийн ажил хийгдэх гэх мэт олон ажлын суурь бодлогын баримт бичигтэй болно. ЗТБХБСайдын 2012 оны 183 дугаар тушаалаар батлагдсан "Хот, тосгоны хөгжлийн ерөнхий төлөвлөгөөний төслийг олон нийтээр хэлэлцүүлэх журам"-ын дагуу хот төлөвлөлтийн талаарх мэдээллийг олон нийтэд ил тод хүргэх, сурталчлах, хот, тосгоны хөгжлийн ерөнхий төлөвлөгөөнд иргэдийн оролцоог нэмэгдүүлэх зорилгоор төслийг олон нийтэд танилцуулж, хэлэлцүүлгийг зохион байгуулах, санал авах зэрэг ажил удахгүй хийгдэх тул Иргэд та бүхэн цахим хуудсанд нэгдэж, сум орныхоо хөгжлийн баримт бичигт саналаа өгч, орон нутгийнхаа хөгжил цэцэглэлтэд өөрийн хувь нэмрээ оруулан, санал асуулгад идэвхтэй оролцож хамтарч ажиллахыг уриалж байна.

Азийн хөгжлийн банкны хөрөнгө оруулалтаар баригдсан шинэ эмнэлэгийн барилгад сумын эрүүл мэндийн төв нь 05 дугаар сарын 12 өдрөөс эхлэн үйл ажиллагаа явуулж эхэллээ. Иргэд та бүхэн шинэ эмнэлгийн төв хаалга болох зүүн хаалгаар үйлчлүүлнэ үү!!! Эрүүл мэндийн төвийн хамт олонд ажлын өндөр амжилт хүсье.

2025 оны тавдугаар сарын 9-ний өдөр Өвөрхангай аймгийн зүүн бүсийн “Бумбатын хурд” бага гурван насны уралдаан амжилттай зохион байгуулагдлаа. Уралдаанд даага, шүдлэн, хязаалан насны морьд уралдаж, дараах уяачдын хурдан хүлгүүд түрүүлж, айрагдсан байна. 🐎 Хязаалан насны уралдаан • Түрүү: Өвөрхангай аймгийн Бүрд сумын алдарт уяач М.Баярмөнхийн зээрд • Аман хүзүү: Өвөрхангай аймгийн Баянгол сумын алдарт уяач Б.Дашнямын цавьдар • Айргийн гурав: Дундговь аймгийн Сайхан-Овоо сумын алдарт уяач О.Наранбаярын сартай хээр • Айргийн дөрөв: Төв аймгийн Батсүмбэр сумын Ц.Бекболдын саарал • Айргийн тав: Өвөрхангай аймгийн Баян-Өндөр сумын алдарт уяач М.Ихзоригийн хээр 🐎 Шүдлэн насны уралдаан • Түрүү: Арвайхээр сумын уяач Н.Ууганбаярын хээр • Аман хүзүү: Төв аймгийн Заамар сумын уяач Жааваагийн зээрд халзан • Айргийн гурав: Төв аймгийн Заамар сумын уяач А.Шинэбаатарын хүрэн • Айргийн дөрөв: Булган аймгийн Баяннуур сумын уяач Ч.Батсүхийн хул • Айргийн тав: Төв аймгийн Бүрэн сумын уяач Д.Сэрсэндэмдийн хүрэн халзан 🐎 Дааган насны уралдаан • Түрүү: Булган аймгийн Орхон сумын Г.Чинзоригийн хул халзан • Аман хүзүү: Говь-Алтай аймгийн Эрдэнэ сумын П.Батхишигийн ногоон халтар • Айргийн гурав: Төв аймгийн Батсүмбэр сумын Б.Чинзоригийн хонгор халзан • Айргийн дөрөв: Өвөрхангай аймгийн Баян-Өндөр сумын уяач Ц.Сэвжидийн сартай хээр • Айргийн тав: Арвайхээр сумын Г.Батцэнгэлийн хүрэн халзан тус тус хурдаллаа. “Бумбатын хурд 2025” уралдаан нутаг нутгийн уяач, хурдан хүлгүүдийг нэгэн зүгт чуулуулж, эв эеийг эрхэмлэсэн, эрдэм ухаан, хөдөлмөр зүтгэл шингэсэн сайхан уралдаан болж өндөрлөлөө.

2025 оны 5 дугаар сарын 4-ны өдөр Өвөрхангай аймгийн Баян-Өндөр сумаас эх орныхоо өмнө хүлээсэн эрхэм үүргээ биелүүлэхээр 18-22 насны залуус цэргийн жинхэнэ албанд мордлоо. Цэргийн албанд мордож буй залуусыг үдэх ёслолын ажиллагаа БНМАУ-ын Баатар Лувсанцэрэнгийн Аюушийн нэрэмжит Өвөрхангай аймгийн төв талбайд болж, нутгийн иргэд, ахмадууд, ар гэрийнхэн нь сэтгэл догдлон үдлээ. Ёслолын үеэр сумын Тамгын газрын дарга Д. Сонинбаяр Залуучууд минь эрдэмтэй боловсролтой, эрэлхэг дайчин байж, цэргийн албаа нэр төртэй хаагаад ирэхийг ерөөе” хэмээн урам хайрласан үгсээ дайв. Энэ жил 5-н залуу цэргийн албанд татагдаж байгаа бөгөөд тэд Зэвсэгт хүчний холбогдох ангиудад хуваарилагдан татагджээ. Ар гэрийнхэн нь сэтгэлийн бэлэг барьж, сургааль үгсээ захиж, нутгийн зон олон бахархал, итгэл дүүрэнгээр тэднийг үдсэн юм. Эх орныхоо тусгаар тогтнол, ард түмний амар амгаланг хамгаалахаар мордож буй залуусдаа амжилт хүсье.

ЗҮҮН БҮСИЙН "БУМБАТЫН ХУРД-2025" УРАЛДААНЫ ХӨТӨЛБӨР

Хоршоо хөгжүүлэх сангийн хүрээнд ирүүлсэн төслүүдийг үнэлж, шалгаруулах зорилгоор тус сангийн төсөл сонгон шалгаруулах хороо 2025 оны 5 дугаар сарын 5-ны өдөр хуралдлаа.

5 дугаар сарын 3 өдөр 2025 оны сумын аварга шалгаруулах үндэсний шагайн харвааны тэмцээн амжилттай болж өндөрлөлөө. Уг тэмцээнд 6 багийн 40 гаруй харваачид оролцон цэц мэргэнээ сорьж Тэргүүн байранд Аймгийн гоц мэргэн Дашдоржийн Батболд ахлагчтай баг тамирчид сумын аварга багаар шалгарч шилжин явах цомын эзэд боллоо 2-р байр Аймгийн гоц мэргэн Цэрэндагвын Нямхүү ахлагчтай баг тамирчид 3-р Аймгийн гоц мэргэн Энхбуянгийн Бумбаяр ахлагчтай баг тамирчид тус тус шалгарлаа. Хувийн цуваа харвааны төрөлд/Хуруу/ 1-р байр Аймгийн гоц мэргэн Э.Бумбаяр 2-р байр С.Намба 3-р байр өсвөрийн харваач Б.Балбаржав Хувийн цуваа харваа /Чавх/ 1-р байр Монгол улсын хүндэт харваач Д.Сэрээнэн 2-р байр ахмад харваач Н.Баасанжав 3-р байр Монгол улсын хүндэт харваач Ө.Энхжаргал нар шалгарлаа. Тэмцээнийг Засаг даргын нөөц сангаас 1000.0, ( нэг сая )3-р багийн малчин Батцэрэнгийн Ганболд 400.0 ( дөрвөн зуун мянга) төгрөгөөр ивээн тэтгэж зохион байгууллаа.

2025 оны 5 дугаар сарын 5-ны өдөр Бөмбий багт атаршсан газарт иргэдэд газар олгох асуудлаар сумын Засаг даргын захирамжаар байгуулагдсан Ажлын хэсэг хүсэлт гаргасан иргэдийн оролцуулан сумын тусгай хэрэгцээний газарт тариалангийн зориулалтаар газар олгох хурал зохион байгуулагдлаа. Хурлын үеэр багийн нутаг дэвсгэрт байрлах атаршсан газруудын байршил, хэмжээ, ашиглалтын боломж нөхцөл, хууль эрх зүйн үндэслэл зэрэг холбогдох мэдээллийг сумын Засаг дарга өглөө. Атаршсан талбайд тариалангийн зориулалтаар газар олгож гэрээ байгуулах эрх олгох асуудлыг иргэдэд ил тод зарчмаар буюу хүсэлт гаргасан этгээдүүд өөрийн биеэр хуралд оролцож өөрсдийн хэрэгжүүлэх ажил, бизнес төлөвлөгөө, цаашид нэмэгдүүлэх техник хэрэгслийн нөөц бололцоо зэргээ танилцуулж хүсэлтээ шийдвэрлүүллээ.

Өвөрхангай аймгийн Эрүүл мэндийн газраас хүний папиллома вирусын (HPV) халдвар, түүний эрүүл мэндэд үзүүлэх сөрөг нөлөө болон урьдчилан сэргийлэх арга замын талаар мэдлэг, ойлголт өгөх зорилгоор сургалт зохион байгууллаа. Сургалтаар хүний папиллома вирусын шалтгаан, халдварлах зам, урьдчилан сэргийлэх арга замууд, ялангуяа вакцинжуулалтын ач холбогдлын талаар мэргэжлийн мэдээлэл өгч, оролцогчдын сонирхсон асуултад хариулт өгсөн юм. Сургалтад Баян-өндөр сумын Засаг даргын Тамгын газар болон Иргэдийн Төлөөлөгчдийн Хурлын төлөөлөл оролцсон бөгөөд мэргэжлийн эмч, мэргэжилтнүүд вирусын талаар дэлгэрэнгүй

2025 оны 04 дүгээр сарын 30-ны өдрийн 10:00 цагт Баян-Өндөр сумын Засаг даргын Тамгын газрын Иргэний танхимд “Баян-Өндөр сумын 2020–2024 оны Эрсдэлээс хамгаалах сангийн хөрөнгөөр хийгдсэн ажлын тайлан, төсвийн гүйцэтгэл” сэдвийн хүрээнд нийтийн сонсгол амжилттай зохион байгуулагдлаа. Сонсголд бүртгүүлсэн иргэд оролцож, санал бодлоо чөлөөтэй илэрхийлэн, холбогдох асуудлаар асуулт асууж, байр сууриа илэрхийлсэн нь шинэ шийдэл, санаачилга боловсруулахад чухал хувь нэмэр орууллаа. Нийтийн оролцоо, ил тод байдлыг хангах энэхүү үйл ажиллагаанд идэвхтэй оролцсон иргэддээ талархал илэрхийлье. Баян-Өндөр сумын Иргэдийн Төлөөлөгчдийн Хурлын Ажлын Алба