Сумын иргэдийн Төлөөлөгчдийн Хурлын ээлжит 2 дугаар хуралдаан 2024 оны 12 сарын 18-ны өдрийн 10 цагт ЗДТГ-ын иргэний танхимд болно. ИРГЭДИЙН ТӨЛӨӨЛӨГЧДИЙН ХУРАЛ

Сумын аварга шалгаруулах адуучин тэмцээнд нийт 5 багийн 49 адуучин өрсөлдөж аваргуудаа шалгарууллаа. 1-р байр Батхаан багийн адуучин П. Лхагва-Очир 2-р байр Батхаан багийн адуучин Т. Ганзориг 3-р байр Хартойром багийн адуучин Г. Нанзад 4-р байр Батхаан багийн адуучин С. Алтансүх 5-р байр Бумбат багийн адуучин Г. Сэр-од нар тус тус шалгарлаа. Тусгай байранд шалгарсан хамгийн залуу адуучин Батхаан багийн адуучин А. Буяндаваад, Батхаан багийн малчин Цэндээхүүгийн Батмөнх 100.000 төгрөгөөр шагнаж урамшууллаа. Та бүхнийг молор эрдэнийн босоо цагаан хийморь өнө мөнхөд үеийн үед ивээж явах болтугай.

Аймгийн Засаг даргын шийдвэрээр аймгийн цагдаагийн газрын даргын албан хэрэгцээнд 2015 оноос хойш ашиглаж байсан Ланд круйзер-200 маркын тээврийн хэрэгсэлийг манай сумын ЗДТГ-ын албан хэрэгцээнд шилжүүлэн өглөө

Монгол Улсын Үндсэн хууль батлагдсан өдрийг тэмдэглэн өнгөрүүлэх ажлын хүрээнд УИХ-ын даргын ивээл дор зохион байгуулах Шатар сонирхогчдын Сумын аварга шалгаруулах 2024 оны анхан шатны тэмцээн 11 дүгээр сарын 28 -ны өдөр амжилттай явагдаж өндөрлөлөө.♟️♟️♟️♟️♟️♟️♟️ Тус тэмцээний Эрэгтэй шатрын төрөлд : 🥇Тэргүүн байр: 5-р багийн иргэн Ө. Түвшинбаяр 🥈Дэд байр: 5-р багийн иргэн Ч. Даваажав 🥉Гутгаар байр: 1-р багийн иргэн Б. Лхагвасүрэн Эмэгтэй шатрын төрөлд: 🥇Тэргүүн байр: 5-р багийн иргэн Б. Хурцбилэгт 🥈Дэд байр: 5-р багийн иргэн Б.Оюунгэрэл 🥉Гутгаар байр: 5-р багийн иргэн Ш. Цэндпүрэв Нар тус тус байр эзэлж Өргөмжлөл , медаль, мөнгөн шагналаар шагнагдлаа. Тэмцээнд нийт оролцсон оролцогч нартаа талархал илэрхийлье. 👏👏👏 Сумын ИТХ-ын ажлын алба

Баян-Өндөр сумын 2024 оны СУМЫН АВАРГА шалгаруулах адуучин тэмцээнийг Батхаан багийн Цахиуртын хөндийд 2024 оны 12 дугаар сарын 01-ний өдөр зохион байгуулна. Удирдамжийг хавсаргав.

Анхдугаар Үндсэн хууль Батлагдсан 100 жилийн ойг тохиолдуулан зохион байгуулсан Монгол Улсын арслан, Монгол улсын Гавьяат дасгалжуулагч Бандийн Ганбаатарын нэрэмжит СУМЫН АВАРГА шалгаруулах Үндэсний бөхийн барилдаан амжилттай зохион байгуулагдаж өндөрлөлөө. Нийт 24 бөх 2 хэсэгт хуваагдан тойргоор барилдсанаас 1. Сумын заан Цэрэндүгийн Дамдинбазар 14 даваагаар түрүүлж, 2. Сумын начин Төмөрбаатарын Сэмжид 14 даваагаар 2 дугаар байр. 3. Сумын начин Батхүүгийн Даваахүү 13 даваагаар 3 дугаар байр. 4. Сумын заан Сайнбилэгийн Батжаргал 11 даваатай 4 дугаар байр. 5. Залуу бөх Ядамсүрэнгийн Жавхлантөгс 10 даваатай 5 дугаар байр. 6. Сумын начин Эрдэмдалайн Адьяахүү 10 даваагаар 6 дугаар байр. 7. Залуу бөх Н.Сундуйбазар 9 даваатай 7 дугаар байр. 8. Сумын заан Хишигтийн Батням 9 даваатай 8 дугаар байранд шалгарлаа. Сумын аварга шалгаруулах үндэсний бөхийн барилдаанд ПүүлэгХХК-ийн захирал, сумын заан Дамдинпүрэвийн Зинамидэр 300 мянган төгрөг. 5 дугаар багийн иргэн, сумын заан Чимэддагвын Алтантүлхүүр 500 мянган төгрөг. Бумбат Үндэсний Бөхийн холбооны Тэргүүн Ичинхорлоогийн Наранцогт Медаль, Өргөмжлөл 5 дугаар багийн Засаг дарга Энхбатын Жанлав 150 мянган төгрөг. ЕБС-ийн багш Мягмарын Баасанхүү 50 мянган төгрөгийн дэмжлэг үзүүллээ.

Бүгд найрамдах улсаа тунхаглаж, Анхдугаар үндсэн хуулиа Баталсаны түүхт 100-н жилийн ойд зориулсан үндэсний бөхийн Сумын аварга шалгаруулах нээлтийн барилдаанд зориулсан Үндэсний бөхийн барилдаанд 1. Өвөрхангай аймгийн Хужирт сумын харъяат Аймгийн арслан Ч. Бямбадорж түрүүлж 2. Өвөрхангай аймгийн Баян-Өндөр сумын харъяат Сумын заан Ц. Дамдинбазар үзүүрлэж 3. Өвөрхангай аймгийн Төгрөг сумын харъяат Сумын заан Э. Идэрчулуун 4. Өвөрхангай аймгийн Баян-Өндөр сумын харъяат Сумын начин Б. Даваахүү нар тус тус шөвгөрлөө. Нийт хүрэлцэн ирж барилдсан бөхчүүддээ спортын өндөр амжилт хүсье.

МОНГОЛ УЛСЫН ҮНДСЭН ХУУЛИЙН ӨДРИЙГ ТОХИОЛДУУЛАН "СУМЫН АВАРГА" ШАЛГАРУУЛАХ ШАТРЫН ТЭМЦЭЭН 2024 оны 11 ДҮГЭЭР САРЫН 28-НИЙ ӨДӨР ЗОХИОН БАЙГУУЛАГДАНА

Бүгд найрамдах Монгол Ард улс 1924 оны 11дүгээр сарын 26-ны өдөр туурга тусгаар улсын нэг чухал үзүүлэлт болох ҮНДСЭН ХУУЛИА батласан билээ. Энэхүү үндсэн хууль батлагдсаны 100 жил 11 дүгээр сарын 26-ны өдөр тохиолдож буйтай холбогдуулан Үндэсний Бөхийн сумын аварга шалгаруулах, Шатарын сумын аварга шалгаруулах тэмцээнүүдийг ард иргэдийн дунд нээлттэй зохион байгуулна. Мөн үүнээс гадна Төрийн байгууллагуудын дунд 80 саяын уналт тэмцээнийг зохион байгуулна. 11 дүгээр сарын 25-ны 18цагт Төрийн байгууллагуудын дунд зохиогдох 80 саяын уналт тэмцээн 11дүгээр сарын 26-ны 09цагт Сумын аварга шалгаруулах үндэсний бөхийн барилдаан 11 дүгээр сарын 28-ны 10:00 цагт Шатарын сумын аварга шалгаруулах тэмцээнүүд болно. Удирдамжуудыг хавсаргав.

Баян-Өндөр сум, сургууль байгуулагдсаны түүхт 100-н жилийн ойн хүрээнд ЕБС-ын Б. Тунгалаг багштай 2005 оны төгсөлтийн анги хамт олноос Спорт заалны урд талын модны хашаанд 6.300000/зургаан сая гурван зуун мянган/ төгрөгний үнэ бүхий 16-н гэрэлтүүлэг, 16-н зүлэгний гэрлийг хийж гүйцэтгэж суманд хүлээлгэн өглөө. Уг ажлыг хийж гүйцэтгэж анги хамт олноо болон, сум орон нутгаа гэсэн сэтгэл гарган, сум орон нутагтаа айх аюулгүй амгалан тайван нөхцөлд амьдрах боломжийг олгож байгаа та бүхний гэгээн үйлсэд чин сэтгэлийн талархал илэрхийлье. БАЯН-ӨНДӨР СУМЫН ИТХ, ЗДТГ

Анхдугаар хуралдааныг МУЗЗНДНТУТХ-ийн 46.5-д заасны дагуу хуралдаанд хүрэлцэн ирсэн хамгийн ахмад төлөөлөгч болох 4-р тойргоос сонгогдсон Төлөөлөгч Ч. Пүрэвсүрэн даргалж хуралдааныг эхлүүлэв. Сумын иргэдийн Төлөөлөгчдийн Хурлын 9 дэх удаагийн бүрэн эрхийн анхдугаар хуралдаанаар иргэдийн Төлөөлөгчдийн Хурлын 2024 оны ээлжит сонгуулийн дүнгээр сонгогдсон 21 Төлөөлөгчдөд үнэмлэх, энгэрийн тэмдэг гардуулж, бүрэн эрхийг нь баталгаажууллаа. Сумын иргэдийн Төлөөлөгчийн хурлын даргад нэр дэвшигчийг нууц санал хураалтаар санал хураахад Төлөөлөгч Сандагдаваагийн Баянжаргалыг 95%-ийн саналаар Сумын иргэдийн Төлөөлөгчдийн Хурлын даргаар сонгон баталлаа. Сумын Засаг даргад Төлөөлөгч Содномын Чулууншагайг нэр дэвшүүлэн Төлөөлөгчдийн 95%-ийн саналаар дэмжиж дээд шатны Засаг даргад уламжлахаар шийдвэрлэв Та бүхэнд сум орныхоо хөгжил цэцэглэлтийн төлөө бие, сэтгэлээ зориулан ажиллах өндөр хариуцлагатай үйлсэд нь амжилт хүсье. ИТХ-ЫН АЖЛЫН АЛБА

Ахмадын баяраа Баян-Өндөр сумын ахмадууд өнөөдөр тэмдэглэн өнгөрүүлж байна. Өндөр нутгийнхаа 100-н жилийн түүхийг бүтээлцэж залуу халуун насаа улс эх орон,сум ард түмнийхээ төлөө зориулсан ахмад настнууддаа БАЯРЫН МЭНД ХҮРГЭЕ.

Сумын иргэдийн төлөөлөгчдийн Хурлын ес дэх удаагийн анхдугаар хуралдааныг сумын Сонгуулийн хорооний 2024-10-17 ны өдрийн 19 дугаар тогтоолоор 2024 оны 10 дугаар сарын 25-ны өдрийн Баасан гарагт хуралдуулахаар шийдвэрлэлээ.

Аймаг, сумын Иргэдийн Төлөөлөгчдийн хурлын Төлөөлөгчдийг сонгох сонгууль амжилттай зохион байгуулагдлаа. 2024 оны ээлжит сонгуулийг зохион байгуулахад сэтгэл, зүтгэл гарган ажилласан нийт төрийн албан хаагчид, идэвхитэй ирж саналаа өгсөн сонгогч танд чин сэтгэлийн талархал илэрхийлье. Аймаг, нийслэл, сум, дүүргийн Иргэдийн Төлөөлөгчдийн хурлын сонгуулийн тухай хуулийн дагуу хамгийн олон санал авсан, тухайн тойрогт ногдох мандатын тоотой тэнцүү тооны нэр дэвшигчдийг Төлөөлөгчөөр сонгогдсонд тооцсон шийдвэрийг сумын иргэдийн Төлөөлөгчдийн хуралд 2024 оны 10 дугаар сарын 17-ны өдөр өргөн мэдүүллээ. БАЯН-ӨНДӨР СУМЫН СОНГУУЛИЙН ХОРОО

Сонсголын сэдэв: “ Сумын түүхт 100 жилийн ойн хандив, зардлын тайлан” Нийтийн сонсголд оролцох ажиглагчийн тоо: 10 ( Ажиглагчаар оролцогч нь сонсголын үед асуулт асуух, үг хэлэх эрхгүй оролцоно) Нийтийн сонсголд оролцогчийн тоо: Тоо заахгүй (Сонсголд зөвхөн бүртгүүлсэн иргэд оролцох бөгөөд оролцогчоор бүртгүүлсэн иргэд нь асуулт асуух, үг хэлэх эрхтэй оролцоно) Сонсгол зохион байгуулах өдөр цаг: 2024 оны 10 сарын 21-ны өдрийн 10:00 цагт Нийтийн сонсгол зохион байгуулах газар: Сумын Засаг даргын Тамгын газрын Иргэний Танхим Холбоо барих утас: 99966452, 89404204 БАЯН-ӨНДӨР СУМЫН ИРГЭДИЙ ТӨЛӨӨЛӨГЧДИЙН ХУРЛЫН АЖЛЫН АЛБА

"Алтан намар-2024" үзэсгэлэн худалдаанд идэвхтэй оролцож, Баян-Өндөрт үйлдвэрлэсэн бүтээгдэхүүн, Бөмбийн хөрсөнд ургасан шинэ ургацын ногоогоо нэг дороос худалдан авахыг урьж байна. Нэг. Үзэсгэлэн худалдааны зорилго Орон нутгийн үйлдвэрлэл, үйлчилгээ эрхлэгч иргэдийн бүтээгдэхүүнийг олон нийтэд сурталчилж, үйлдвэрлэл эрхлэгчдийн идэвх санаачилгыг дэмжин урамшуулж, харилцан туршлага солилцох, орон нутгийн брэнд бүтээгдэхүүн бий болгох. Хоёр. Хамрах хүрээ Орон нутагт үйл ажиллагаа явуулж байгаа аж ахуйн нэгж, төсөвт байгууллагууд, жижиг дунд үйлдвэр эрхлэгчид, хоршоо, худалдаа үйлчилгээ, хоол үйлдвэрлэгчид, тариаланчид, малчид хамрагдана. Гурав. Хугацаа 2024 оны 9 дүгээр сарын 27-ны өдрийн 10:00 цагт Соёлын төвд болно.

Бөмбий, Бор Хужирын атаршсан талбайн тариаланг сэргээснээр өнгөрсөн жил 500 орчим га талбайд тариалан эрхэлж байсан бол 2024 онд 23 иргэн, 5 хоршоо, 1 төрийн бус байгууллага, 3 аж ахуйн нэгж: 🌿 Малын тэжээл 600 га талбайд, 🥔 Төмс 9.5 га талбайд, 🥕Хүнсний ногоо 8 га талбайд тариалжээ.🍓🍒🍉🍅🥦🧄🫑🥒🌶 Хүнсний ногоо төрөл тус бүрээр авч үзвэл: 🥬Байцаа-0.3 га 🥕Лууван-2 га 🍊Шар манжин-3.5 га 🍅Хүрэн манжин-1 га 🧅Сонгино-0.3 га 🧄Саримс 0.1 га 🥒Өргөст хэмх- 0.2 га 🌶Чинжүү-0.1 га 🥦Нарийн ногоо-0.2 га-д тариалсан байна.

Өвөрхангай аймгийн Баян-Өндөр сумын харьяат, "Алдар" спорт хороо, Зэвсэгт хүчний 256 дугаар анги, "Их Монголын хүчтэн" дэвжээ, "Нутгийн буян" группийн бөх Монгол Улсын начин Төрбатын Довчинсэмбээгийн Монгол Улсын начин цолны мялаалга наадам 2024 оны 8 дугаар 30-ны өдөр Өвөрхангай аймгийн Баян-Өндөр суманд болно. Монгол Улсын начин Төрбатын Довчинсэмбээд мялаалга өргөх хандивыг ӨНДӨР НУТГИЙН ӨВ САН-гийн 5544193767 дансаар хүлээн авч байна. Нутгийн түмэн олноо дээрх дансаар овог нэр, баг, утасны дугаараа гүйлгээний утга дээр бичиж, Өвөрхангай аймгийн Баян-Өндөр сумаас 44 жилийн дараа төрсөн Монгол Улсын начин цолыг мялаан хүндэтгэл үзүүлэхийг УРИАЛЖ БАЙНА.

Сумын 100 жилийн ойн хандивын орлого, зарлагын тайланг хүргүүлж байна.