Сумын иргэдийн Төлөөлөгчдийн Хурлын ээлжит 6 дугаар хуралдаан 2025 оны 10 сарын 17-ны өдрийн 10:00 цагт ЗДТГ-ын иргэний танхимд болно. Хуралдаанаар хэлэлцэх асуудал 1. Хоршоо хөгжүүлэх сангийн хөрөнгөөр хэрэгжүүлж байгаа төслийн зээлийн эргэн төлөлтийн тухай. 2. Малжуулах төслийн хэрэгжилт эргэн төлөлтийн тухай 3. Сумын хөгжлийн ерөнхий төлөвлөгөөг хэлэлцэн батлах тухай. 4. Амьжиргаа дэмжих зөвлөлийн тайлан, Нийгмийн халамжийн хуулийн хэрэгжилтийн тухай. 5. Гэмт хэргээс урьдчилан сэргийлэх чиглэлээр зохион байгуулж буй ажлын талаар 6. Нийтийн сонсголын тов тогтоох тухай. 7. Нийгмийн даатгал, Эрүүл мэндийн даатгалын хуулийн хэрэгжилт орлогын төлөвлөгөөний биелэлтийн явцын тухай. 8. Сумын Соёлын төвийн тайлан. 9. Бусад 🇲🇳ИРГЭДИЙН ТӨЛӨӨЛӨГЧДИЙН ХУРАЛ🇲🇳

2025.10.07 ны өдөр "Хартойром" 4 дүгээр багийн иргэдийн нийтийн хурал Хартойром багийн төвд боллоо. Багийн иргэдийн нийтийн хурлаар: 1. Сумын ИТХ-ын дарга С. Баянжаргал Улс, аймаг ОНХС-ийн хөрөнгөөр хийгдсэн болон хийж буй ажлууд цаг үеийн асуудлаар 2. Засаг даргын орлогч Д. Нямсүрэн Өвөлжилтийн бэлтгэл ажил болон,малын тарилга туулга вакцинжуулалтын талаар 3. Сумын хэсгийн төлөөлөгч Ахлах дэслэгч Д. Ганхүлэг багийн иргэдэд "Цахим гэмт хэрэг"-ийн талаар тараах материал өгч "Цахим гэмт хэрэг"-ийн талаар мэдээллүүдийг өглөө 4. Багийн Засаг дарга Н.Гэндэнжамц 4 дүгээр багийн айл, өрхүүдийн өвөлжөө, хаваржааны газар зэмшүүлэх талаар 5. Нийгмийн даатгалын байцаагч Б. Баасанхүү Нийгмийн даатгалын тухай хууль, Нийгмийн даатгалын талаар Мөн Соёлын төвөөс Багийн хуралдаа ирсэн иргэдийн дунд урлаг, спортын тэмцээнийг зохион байгуулж шагнаж урамшууллаа. БАГИЙН ИРГЭДИЙН НИЙТИЙН ХУРАЛДАА ХҮРЭЛЦЭН ИРЖ ИДЭВХТЭЙ ОРОЛЦСОН ХАРТОЙРОМ 4 ДҮГЭЭР БАГИЙН ИРГЭДДЭЭ БАЯРЛАЛАА.

2025.10.06 ны өдөр "Бөмбий" 1 дүгээр багийн иргэдийн нийтийн хурал Бөмбий багийн төвд боллоо. Багийн иргэдийн нийтийн хурлаар: 1. Сумын ИТХ-ын дарга С. Баянжаргал Улс, аймаг ОНХС-ийн хөрөнгөөр хийгдсэн болон хийж буй ажлууд цаг үеийн асуудлаар 2. Засаг даргын орлогч Д. Нямсүрэн Өвөлжилтийн бэлтгэл ажил болон,малын тарилга туулга вакцинжуулалтын талаар 3. Сумын хэсгийн төлөөлөгч Ахлах дэслэгч Д. Ганхүлэг, Сумын цагдаа Ж.Өсөхбаяр нар багийн иргэдэд "Цахим гэмт хэрэг"-ийн талаар тараах материал өгч "Цахим гэмт хэрэг"-ийн талаар мэдээллүүдийг өглөө 4. Багийн Засаг дарга А. Ганбаатар 1 дүгээр багийн айл, өрхүүдийн өвөлжөө, хаваржааны газар зэмшүүлэх талаар болон шинэ багийн төвийн тохижилтын ажлын талаар 5. Нийгмийн даатгалын байцаагч Б. Баасанхүү Нийгмийн даатгалын тухай хууль, Нийгмийн даатгалын талаар 6. Хүүхэд Гэр бүлийн мэргэжилтэн Б. Ундрахбаяр Гэр бүлийн хүчирхийллийн тухай хууль,болон хүүхэд гэр бүлийн талаар мэдээлэлүүдийг тус тус өгч хэлэлцлээ. Мөн Соёлын төвөөс Багийн хуралдаа ирсэн иргэдийн дунд урлаг, спортын тэмцээнийг зохион байгуулж шагнаж урамшууллаа. БАГИЙН ИРГЭДИЙН НИЙТИЙН ХУРАЛДАА ХҮРЭЛЦЭН ИРЖ ИДЭВХТЭЙ ОРОЛЦСОН БӨМБИЙ 1 ДҮГЭЭР БАГИЙН ИРГЭДДЭЭ БАЯРЛАЛАА.

2025.10.06 ны өдөр "Батхаан" 2 дугаар багийн иргэдийн нийтийн хурал Батхаан багийн төвд боллоо. Багийн иргэдийн нийтийн хурлаар: 1. Сумын ИТХ-ын дарга С. Баянжаргал Улс, аймаг ОНХС-ийн хөрөнгөөр хийгдсэн болон хийж буй ажлууд цаг үеийн асуудлаар 2. Засаг даргын орлогч Д. Нямсүрэн Өвөлжилтийн бэлтгэл ажил болон,малын тарилга туулга вакцинжуулалтын талаар 3. Сумын хэсгийн төлөөлөгч Ахлах дэслэгч Д. Ганхүлэг, Сумын цагдаа Ж.Өсөхбаяр нар багийн иргэдэд "Цахим гэмт хэрэг"-ийн талаар тараах материал өгч "Цахим гэмт хэрэг"-ийн талаар мэдээллүүдийг өглөө 4. Багийн Засаг дарга Н. Дэлгэрбат 2 дугаар багийн айл, өрхүүдийн өвөлжөө, хаваржааны газар зэмшүүлэх талаар 5. Нийгмийн даатгалын байцаагч Б. Баасанхүү Нийгмийн даатгалын тухай хууль, Нийгмийн даатгалын талаар 6. Бэлчээр газар тариалан хариуцсан мэргэжилтэн Г. Бадьмэд Бэлчээр ашиглалт, газар тариалангын талаар болон Отрын бүсийн талаар 7. Хүүхэд Гэр бүлийн мэргэжилтэн Б. Ундрахбаяр Гэр бүлийн хүчирхийллийн тухай хууль,болон хүүхэд гэр бүлийн талаар мэдээлэлүүдийг тус тус өгч хэлэлцлээ. Мөн Соёлын төвөөс Багийн хуралдаа ирсэн иргэдийн дунд Урлаг, Спортын тэмцээнийг зохион байгуулж шагнаж урамшууллаа БАГИЙН ИРГЭДИЙН НИЙТИЙН ХУРАЛДАА ХҮРЭЛЦЭН ИРЖ ИДЭВХТЭЙ ОРОЛЦСОН БАТХААН 2 ДУГААР БАГИЙН ИРГЭДДЭЭ БАЯРЛАЛАА

Зарим аймагт мал, амьтны гоц халдварт үхрийн арьс товруутах, бог малын мялзан, шүлхий, хонины цэцэг өвчний тохиолдлууд бүртгэгдэж байгаа тул өвчин зөөвөрлөгдөн орж ирэх эрсдлээс урьдчилан сэргийлж өөр аймаг сумдын нутгаас бүх төрлийн мал, амьтан оруулах, авахыг 2025 оны 10 дугаар сарын 03-ны өдрөөс 2026 оны 01 дүгээр сарын 01-ний өдөр хүртэл хориглосон тул өөр бусад газраас мал оруулж ирэхгүй байхыг мэдэгдэж байна.

Ахмадын баярын өдрийг тохиолдуулан зохион байгуулсан тэмцээн уралдаанд амжилттай оролцож байр эзэлсэн баг, тамирчдад шагналыг гардуулж, баяр хүргэлээ. Ахмадын баяр маань өргөн дэлгэр сайхан тэмдэглэгдэж байна. Та бүхэндээ аз жаргал, эрүүл энх, сайн сайхан бүхнийг хүсье.

“Тэрбум мод”үндэсний аянд нэгдэж, 345 ширхэг хайлаас мод тарьж суулгалаа. Байгаль дэлхийгээ хайрлан хамгаалах энэхүү буянтай үйлсэд идэвхтэй оролцсон азай буурлууддаа талархал илэрхийлье.”

2025 оны 10 дугаар сарын 10-ны өдөр суманд газрын даамал болон кадастрын хэмжилтийн компани ирж ажиллана. 👉2025 оны ОНХсангийн хөрөнгөөр суманд Сумын хөгжлийн ерөнхий төлөвлөгөө хийгдэж, сумын ИТХ-аар хэлэлцүүлэх шатанд байгаа бөгөөд 2026 оноос иргэдэд шинээр газар өмчлүүлэх, эзэмшүүлэх боломжтой болж байна. 👉Иймд 2026 оны Газар зохион байгуулалтын төлөвлөгөөнд оруулах шинээр хашаа, барилга, граш барьсан иргэд 10 дугаар сарын 10-ны өдөр өөрийн биеэр байж хэмжилт хийлгэнэ үү. 👉Тухайн өдрөөс хоцорсон тохиолдол 2026 оны төлөвлөгөөнд оруулах боломжгүй болно‼️ 🚫2026 оноос эхлэн зөвшөөрөлгүй дур мэдэн хашаа хатгасан, илүү сунгалт хийсэн, хашаалсан иргэн, ААН байгууллагууд зөрчлийн тухай хуулийн дагуу арга хэмжээ авах тул зөвхөн сумын Хөгжлийн ерөнхий төлөвлөгөөний дагуу газар олголт хийгдэж явахыг анхаарна уу. ✅Мөн энэ өдөр газартай холбоотой бүх үйлчилгээг үзүүлэх болно. ❗️Хэмжилт хийлгэх иргэн, ААН сумын бичиг хэрэг болон багийн Засаг даргад хандан дугаараа өгч мэдээллээ баталгаажуулна уу.

Өвөрхангай аймгийн Баян-Өндөр сумын Багийн 2025 оны намрын Иргэдийн Нийтийн Хурал: 1️⃣Бөмбий 1 дүгээр багийн БИНХурал 10 дугаар сарын 06-ны өдрийн 11:00 цагт Бөмбий багийн төвд 2️⃣Батхаан 2 дугаар багийн БИНХурал 10 дугаар сарын 06-ны өдрийн 15:00 цагт Батхаан багийн төвд 3️⃣Өвөрзүлэгт 3 дугаар багийн БИНХурал 10 дугаар сарын 07-ны өдрийн 11:00 цагт Өвөрзүлэгт багийн төвд 4️⃣Хартойром 4-р багийн БИНХурал 10 дугаар сарын 07-ны өдрийн 15:00 цагт Хартойром багийн төвд 5️⃣Бумбат 5 дугаар багийн БИНХ 10 дугаар сарын 10-ны өдрийн 14:00 цагт Соёлын төвд тус хуралдана. 📣Хуралдаанаар: 1. 2026 оны Өвөлжөө хаваржааны Газар зохион байгуулалтын төлөвлөгөөнд шинээр тусгуулах санал 2. Өвөлжилтийн бэлтгэлийн тухай 3. Сумын бэлчээрийн төлөвлөгөө батлах тухай 4. Хуучин багийн төвийг ашиглах тухай 5. Сумын удирдлагууд, Төрийн албан хаагчдын мэдээлэл 6. Бусад гэх мэт асуудлыг хэлэлцэнэ Мөн багийн иргэдийн нийтийн хурлын үеэр Соёлын төвөөс Спорт, урлагын тэмцээнийг зохион байгуулна. 📣Иргэд Та бүхэн хуралдаа идэвхи санаачилгатай оролцоно уу.

Ахмад настнуудынхаа чөлөөт цагийг зөв боловсон өнгөрүүлэх, идэвхтэй хөдөлгөөнийг дэмжих зорилгоор Ахмадын баярын спортын тэмцээн 2025 оны 10 дугаар сарын 01-ний өдөр, Баярын үйл ажиллагааг 10 дугаар сарын 02-ны өдөр тус тус зохион байгуулагдахаар боллоо.

Өвөрхангай аймгийн Баян-Өндөр сумын уугуул МОНГОЛ УЛСЫН БААТАР Ундрахын Доржпаламын Улсын баатар цолны мялаалга 2025 оны 9 дүгээр сарын 21-ний өдрийн ням гарагт Төв аймгийн Зуунмод хотын Өв соёлын өргөөнд болж өндөрлөлөө. Тухайн арга хэмжээнд Өвөрхангай аймгийн Иргэдийн Төлөөлөгчдийн хурлын дарга Т.Нарангарав, аймгийн Засаг даргын орлогч М.Батзориг, Баян-Өндөр сумын Засаг дарга С.Чулууншагай, ИТХ-ын дарга С.Баянжаргал, ЗДТГ-ын дарга Д.Сонинбаяр, Баян-Өндөр сумын Улаанбаатар хот дахь нутгийн зөвлөлийн дарга Ч.Цэндээ, зэвсэгт хүчний ... дугаар ангийн захирагч хурандаа М.Батдорж, Бумбат үндэсний бөхийн холбооны тэргүүн И.Наранцогт нарын хүмүүс оролцож Улсын баатар Ундрахын Доржпаламд хүндэтгэл үзүүллээ. Энэ үеэр Улсын баатрын Хөшөөг төрөлх суманд нь босгох болсныг аймгийн ИТХ-ын дарга Нарангарав ирсэн зочдод уламжиллаа. Өвөрхангай аймгийн 2 дахь УЛСЫН БААТАР У.Доржпалам нь 1921 онд Баян-Өндөр суманд төрсөн эрхэм юм. 2025 оны 9 дүгээр сарын 4-ний өдөр Чөлөөлөх дайны ялалтын 80 жилийн ойн хүрээнд монгол Улсын Ерөнхийлөгчийн зарлигаар түүнд Монгол Улсын баатар цолыг олгосон юм.

Баян-Өндөр-2025 намрын шилмэл малын үзэсгэлэн Зохион байгуулагч: Баян-Өндөр сумын ЗДТГ, ХААТ Ивээн тэтгэгч: Аймгийн аварга үхэрчин Р.Мандал (300,000 төгрөг) 1. Арга хэмжээний зорилго Мал сүргийн чанарыг дээшлүүлэх, шилмэл үүлдэр угсааны хээлтэгч, хээлтүүлэгч малыг тодруулан удам угсааг сайжруулах, малчдын туршлага солилцох зорилготойгоор зохион байгуулагдлаа. 2. Оролцогчид • Нийт 14 малчин өөрийн шилмэл малыг оролцуулсан. • Адуу, үхэр, хонь, ямааны 4 төрөлд хээлтэгч, хээлтүүлэгч малыг сонгон оролцуулж, шилдгийн шилдгийг шалгаруулсан. 3. Шилдгүүдийн жагсаалт Адууны төрөл 1. Т.Ганзориг – Хээр азарга 2. Д.Отгонболд – Зээрд халзан азарга 3. Д.Отгонболд – Хонгор халзан гүү Үхрийн төрөл 1. Л.Сэрээтэр – Хүрэн бух 2. Т.Ганзориг – Улаан халзан бух 3. Д.Зинамэдэр – Загал бух 1. Н.Дэлгэрбат – Хүрэн үнээ 2. Х.Болд – Ягаан үнээ 3. Д.Зинамэдэр – Загал алаг үнээ Хонины төрөл 1. Д.Отгонболд – Улаан хуц 2. Б.Ганбаатар – Улаан хуц 3. Х.Сандагдаваа – Улаан хүзүүт хуц 4. Ц.Чинбишрэл – Хар толгойт хуц 4. Б.Хүрэлбаатар – Хөх шанаат хуц Ямааны төрөл 1. Б.Хүрэлбаатар – Хар халзан ухна тус тус шалгарч арга хэмжээ амжилттай болж өндөрлөлөө. ТА БҮХНИЙ ЭРДЭНЭТ МАЛ СҮРЭГ АРВИЖИН ДЭЛГЭРЭХ БОЛТУГАЙ.

2025 оны 9 дүгээр сарын 17-ны өдөр зохион байгуулсан “Баян-Өндөр-2025” үзэсгэлэн худалдаанд 4 аж ахуйн нэгж, 21 иргэн оролцож шилдгүүдээ шалгарууллаа. Шилдэгүүд: • Шилдэг сур, суран эдлэл – Б.Алтангэрэл • Шилдэг төмс, хүнсний ногоо – “Баялаг цагаан худаг” хоршоо • Шилдэг хүлэмж – Ц.Эрдэнэчимэг • Шинэ сав, баглаа боодол нэвтрүүлэгч – Ц.Сувдаа • Шилдэг цагаан идээ (хамгийн их борлуулалттай) – Ж.Отгон • Шилдэгийн шилдэг үйлдвэрлэгч – “Найзууд хүлэмж” ТББ • Шилдэг хоол үйлдвэрлэгч – Д.Нэргүй • Хамгийн олон төрлөөр оролцсон үйлдвэрлэгч – Л.Долгорсүрэн • Шилдэг оёдол, гар урлал, бэлэг дурсгал – А.Цэндсүрэн • Шинэ санаа нэвтрүүлэгч – “Ургах наран булаг” хоршоо Тэмцээний дүн: • Сайхан айраг төрөл – I байр Т.Ганзориг, II байр Д.Даваадорж, III байр Д.Пүрэвсүрэн • Дэмбээний тэмцээн – I байр Х.Баясгалан, II байр Ц.Батмаа, III байр И.Бямбасүрэн • Гүүтэй айлын гүзээтэй хүү – I байр Б.Мөнхбат, II байр Ч.Саруулбуян, III байр Х.Гүндсамба • Гүүтэй айлын гүзээтэй охин – I байр С.Дэлгэрбуян, II байр Д.Даваадорж, III байр Ш.Цэндпүрэв • Ногт зангадах тэмцээн – I байр М.Энэбиш, II байр Д.Саранхүү, III байр Т.Ганзориг

Монголын цахилгаан холбоо ХК-ны гурвалсан үйлчилгээг энэ оны 10 дугаар сард багтаан суманд нэвтрүүлэх гэж буй тул захиалга авч байна. Захиалгын мэдээллийг харгалзан 10 км шилэн кабель татах, нэмэлтээр цахилгааны шонгүй газрууд руу шилэн кабелын 50 ширхэг шон татах ажлууд хийгдэх тул тавиулах иргэд та бүхэн мэдээллээ Нийтлэг үйлчилгээний ажилтан У. ГЭРЭЛЧУЛУУНЫ 91311141 утсаар холбогдон өгөх эсвэл коммент хэсэгт Өрхийн тэргүүлэгчийн овог нэрээ бичиж мэдээллээ үлдээж болно. Гуравласан үйлчилгээ нь суурин утас, интернэт, телевизийн төхөөрөмж гэсэн хэсгээс бүрдэх бөгөөд тавиулах иргэд гэрээ хийж төхөөрөмжөө ашиглана. Энэхүү үйлчилгээ нь сард 50.0 ( тавин мянга) орчим мянган төгрөг төлөөд 80-с дээш телевизийн сувгийг цаг агаарын ямар ч нөхцөлд гацалтгүй үзэх, телевизийн сувгуудаа 72 цаг ухрааж үзэх, өндөр хурдны интернэт хязгааргүй ашиглах, нууцлал өндөртэй гэрийн суурин утас ашиглах зэрэг давуу талуудтай. Үйлчилгээг суманд нэвтрүүлэхэд нийтдээ 110 орчим сая төгрөгийн хөрөнгө оруулалт шаардлагатай бөгөөд 40 орчим сая төгрөгийг манай сум дараа оны төсвөөс, үлдсэн 70 орчим сая төгрөгийн хөрөнгө оруулалтыг МЦХ компани өөрөө хариуцана. Шинэ хэрэглэгч болоход ямар нэгэн төлбөр хураамж, төхөөрөмжийн үнэ гарахгүй бөгөөд тухайн иргэн холболтын 22.0 ( хорин хоёр мянга) төгрөг тушаана. Дэлгэрэнгүй мэдээллийг 91069998 утсаар холбогдож авна уу.

Орон нутгийн үйлдвэрлэл эрхлэгч иргэдийн бүтээгдэхүүн болон шилмэл хээлтүүлэгч, хээлтэгч мал сүргийг олон нийтэд сурталчилж, бүтээгдэхүүний нэр төрөл, чанарыг сайжруулах, үйлдвэрлэл эрхлэгчдийн орлого, орон нутагт үйлдвэрлэсэн бүтээгдэхүүний нэр төрлийг нэмэгдүүлэх, урамшуулах зорилгоор жил бүр уламжлал болгон зохион байгуулагддаг ЖИЖИГ, ДУНД ҮЙЛДВЭРЛЭЛ ЭРХЛЭГЧ ИРГЭН, АЖ АХУЙН НЭГЖИЙН БҮТЭЭГДЭХҮҮНИЙ ҮЗЭСГЭЛЭН ХУДАЛДАА БОЛОН ШИЛМЭЛ ХЭЭЛТҮҮЛЭГЧ, ХЭЭЛТЭГЧ МАЛ, ШИЛДЭГ БҮТЭЭГДЭХҮҮН ШАЛГАРУУЛАХ “БАЯН-ӨНДӨРТ ҮЙЛДВЭРЛЭВ-2025” НАМРЫН БАЯР 2025 оны 09 дүгээр 17-ний өдөр зохион байгуулагдана. Орон нутгийн жижиг дунд үйлдвэрлэл, худалдаа, үйлчилгээ эрхлэгчид, хоршоо, аж ахуйн нэгж байгууллагууд, малчид, тариаланчид та бүхнийг өргөнөөр оролцохыг УРИАЛЖ байна. ШАЛГАРУУЛАХ ТӨРӨЛ: Шилдгийн шилдэг үйлдвэрлэгч Шинэ сав баглаа боодол, шинэ санаа нэвтрүүлэгч Шилдэг цагаа идээ Төмс, хүнсний ногоо, жимс, жимсгэнэ Хүнс, хоол үйлдвэрлэл Оёдол эсгүүр, гар урлал, бэлэг дурсгал Шилдэг хүлэмж Сур, нэхий, арьсан эдлэл, хялгасан эдлэл Шилдэг айраг Хамгийн олон төрлөөр оролцсон жижиг дунд үйлдвэр эрхлэгч Шилмэл хээлтүүлэгч, хээлтэгч мал Дүгнэх шалгуур үзүүлэлтэд тавигдах шаардлага:  Орон нутагт үйлдвэрлэсэн, бүтээгдэхүүн үйл ажиллагаа нь тогтмолжсон Сав баглаа боодол хаяг шошготой Оролцогчдын идэвх Эрүүл ахуйн шаардлага хангасан Бараа бүтээгдэхүүний үйлдвэрлэлт, борлуулалт үйлчилгээ гэх мэт

Чөлөөлөх дайны талбарт байлдааны үүргээ нэр төртэйгөөр гүйцэтгэсэн Өвөрхангай аймгийн Баян-Өндөр сумын уугуул ахмад дайчин Ундрахын Доржпалам өнөөдөр /2025.09.04/ Монгол Улсын Ерөнхийлөгчийн зарлигаар “Монгол Улсын Баатар” хэмээх эрхэм хүндтэй цол тэмдгээр энгэрээ мялаалаа. Өдгөө 104 насыг зооглож буй ахмад дайчин Ундрахын ДОРЖПАЛАМ 1945 онд Замын-Үүдийн Хил хамгаалах 12-р отрядад Тусгай офицероор үүрэг гүйцэтгэн Чөлөөлөх дайнд оролцон тулалдсан юм. Тусгай алба бол дайсны үйл хөдлөлийг тандан мэдэж, тэдний довтолгооноос өмнө дээд командлал, отрядад мэдээлэл хүргэдэг чухал үүрэг байв. Тэрээр 82 нас хүртлээ буюу нийт 60 жил улсад хөдөлмөрлөхдөө 17 жилийг цэргийн албанд зориулжээ. Эхний гурван жил хилийн цэрэгт ажиллаж байгаад тайван цаг тогтож, Дотоодын цэрэгт ажилласан байна. 1959 онд Монгол Улс даяар хөдөө аж ахуйн нэгдэлжих хөдөлгөөн өрнөж байх үед Ю.Цэдэнбал дарга Намын төв хорооны илгээлт ирүүлж, Төв аймгийн Бүрэн суманд нэгдэлжих хөдөлгөөн зохион байгуулах үүрэг өгчээ. Ингээд 1959-1970 он хүртэл Төв аймгийн Бүрэн сумын Засаг даргаар ажиллах хугацаандаа Бүрэн сум хөдөлмөр зүтгэлээрээ улсдаа гурван удаа тэргүүлж байсан түүхэн гавьяатай. Мөн Цэргийн оёдлын үйлдвэрт улс төрийн орлогчоос эхлээд Төв аймгийн Эрдэнэсант, Бүрэн, Дэлгэрхаан сумдад сум нэгдлийн дарга, Төв аймагтаа аж ахуй хариуцсан дарга зэрэг хариуцлагатай албыг нэр төртэйгээр хашиж байгаад хожим Төв аймгийн Ахмадын хорооны даргаар 11 жил тасралтгүй ажиллаж гавьяаныхаа амралтад гарчээ. Ахмад дайчин У.Доржпалам танд хөлуун баяр хүргэж, Чөлөөлөх дайны ялалтын 80 жилийн ойн мэнд хүргэе! Та бүхэн амь биеэ үл хайрлан тэмцэж, бидэнд тусгаар тогтносон улс хүлээлгэж өгсөнд гүнээ талархаж, мэхийн ёслоё!

Соёл, спорт, аялал жуулчлалын яамнаас дэлхийн 26 улс, Монгол Улсын 21 аймгийг хамруулан 2025.08.22-24-ний өдрүүдэд нийслэл хотноо зохион байгуулсан "Нүүдэлчин'' дэлхийн соёлын фестивальд Өвөрхангай аймгаа төлөөлөн оролцсон Баян-Өндөр сумын Батхаан 2 дугаар багийн малчин Дашзэвэгийн Балчинсүрэн Дашзэвэг Балчинсүрэн, хүү Б.Пүрэвдоо Балчинсүрэн Пүрэвдоо-гийн хамт "Арьс ширэн урлалын төрөл"-д Монгол Улсын Шилдэг өвлөн уламжлагчаар шалгарлаа. Адуутай, айрагтай нутаг, ард олон, өвөг дээдсээсээ өвлөсөн уламжлал соёлоо улс орон, олон улсад таниулан сурталчилж, нутаг орныхоо нэрийг өндөрт өргөж буй өвлөн уламжлагчдадаа халуун талархал илэрхийлье. Адууны тань буян хишиг, өвөг дээдсээс өвлөсөн ур ухаан тань үеийн үед ашид дэлгэрэх болтугай!

2025 оны 08 сарын 09 ны өдөр Өвөрхангай аймгийн Баян-Өндөр сумын Аварга шалгаруулах Адуучин тэмцээн, Айрагны баяр арга хэмжээ Батхаан багийн төвд нийт 45 Адуучин оролцож амжилттай зохион байгуулагдлаа. 1️⃣-р байранд Батхаан багийн Адуучин Баярхүүгийн Алтангэрэл шалгарч Сумын аварга Адуучин боллоо 2️⃣-р байранд Батхаан багийн Адуучин Сэдэджавын Лхагва-Эрдэнэ 3️⃣-р байранд Бөмбий багийн Адуучин Баттөмөрийн Хүрэлбаатар 4️⃣-р байранд Өвөрзүлэгт багийн Сумын Аварга Адуучин Нямхүүгийн Доржсамбуу 5️⃣-р байранд Батхаан багийн Адуучин Баярхүүгийн Батбуян нар тус тус шалгарлаа Сумын Аварга шалгаруулах Адуучин тэмцээнийг Батхаан багийн адуучин Сумын алдарт уяач Нацагийн Жамба агсаны үр хүүхдүүд, Батхаан багийн адуучин Сумын алдарт уяач Нацагийн Мяхдадаг агсаны үр хүүхүүд ивээн тэтгэж явууллаа. Нийт оролцсон Адуучид, болон шалгарсан Адуучид, ивээн тэтгэж оролцсон Нацагийн Жамба агсаны үр хүүхдүүд, Нацагийн Мяхдадаг агсаны үр хүүхдүүд чин сэтгэлийн талархал илэрхийлж, цаашдын уралдаан тэмцээнд нь амжилт хүсье.

Өвөрхангай аймгийн Баян-Өндөр сумын харьяат монгол улсын гавьяат малчин Н.Ягаанбандид хүндэтгэл үзүүлэх цолны мялаалга наадамд нутгийн зон олон Монгол түмэн та бүхнийг хүрэлцэн ирэхийг урьж байна. Хаана: Хайрханы шанд 📍⛰️ Хэзээ: 2025 оны 08 сарын 12 өдөр 09:00 цагт. ☎️Утас: 99250525, 89617161

2025 оны 08 дугаар сарын 01-ны өдрийн 10 цагт сумын ИТХ Сумын 2025 оны төсвийн гүйцэтгэл, төсөвт тодотгол хийх тухай болон бусад гэсэн асуудлаар хуралдлаа.