Өвөрхангай аймгийн Баян-Өндөр сумын ИТХ

Өвөрхангай аймгийн Баян-Өндөр сумын ИТХ

ӨВӨРХАНГАЙ АЙМГИЙН БАЯН-ӨНДӨР СУМЫН ИРГЭДИЙН ТӨЛӨӨЛӨГЧДИЙН ХУРАЛ ӨВӨРХАНГАЙ АЙМГИЙН БАЯН-ӨНДӨР СУМЫН ИРГЭДИЙН ТӨЛӨӨЛӨГЧДИЙН ХУРАЛ

Мэдээлэл


нийт 207

АНХДУГААР ҮНДСЭН ХУУЛИЙГ БАТЛАСАН ӨДӨРТ ЗОРИУЛСАН АРГА ХЭМЖЭЭНҮҮД ЗОХИОГДОНО.

2024-11-21 37
Бүгд найрамдах Монгол Ард улс 1924 оны 11дүгээр сарын 26-ны өдөр туурга тусгаар улсын нэг чухал үзүүлэлт болох ҮНДСЭН ХУУЛИА батласан билээ. Энэхүү үндсэн хууль батлагдсаны 100 жил 11 дүгээр сарын 26-ны өдөр тохиолдож буйтай холбогдуулан Үндэсний Бөхийн сумын аварга шалгаруулах, Шатарын сумын аварга шалгаруулах тэмцээнүүдийг ард иргэдийн дунд нээлттэй зохион байгуулна. Мөн үүнээс гадна Төрийн байгууллагуудын дунд 80 саяын уналт тэмцээнийг зохион байгуулна. 11 дүгээр сарын 25-ны 18цагт Төрийн байгууллагуудын дунд зохиогдох 80 саяын уналт тэмцээн 11дүгээр сарын 26-ны 09цагт Сумын аварга шалгаруулах үндэсний бөхийн барилдаан 11 дүгээр сарын 28-ны 10:00 цагт Шатарын сумын аварга шалгаруулах тэмцээнүүд болно. Удирдамжуудыг хавсаргав.

МОНГОЛ УЛСЫН ҮНДСЭН ХУУЛИЙН ӨДРИЙГ ТОХИОЛДУУЛАН "СУМЫН АВАРГА" ШАЛГАРУУЛАХ ШАТРЫН ТЭМЦЭЭН 2024 оны 11 ДҮГЭЭР САРЫН 28-НИЙ ӨДӨР ЗОХИОН БАЙГУУЛАГДАНА

2024-11-21 62
МОНГОЛ УЛСЫН ҮНДСЭН ХУУЛИЙН ӨДРИЙГ ТОХИОЛДУУЛАН "СУМЫН АВАРГА" ШАЛГАРУУЛАХ ШАТРЫН ТЭМЦЭЭН 2024 оны 11 ДҮГЭЭР САРЫН 28-НИЙ ӨДӨР ЗОХИОН БАЙГУУЛАГДАНА

БАЯН-ӨНДӨР СУМЫН ЕБС-ЫН Б. ТУНГАЛАГ БАГШТАЙ 1995-2005 ТӨГСӨЛТИЙН ХАМТ ОЛОНД ТАЛАРХАЛ ИЛЭРХИИЛЬЕ

2024-11-06 65
Баян-Өндөр сум, сургууль байгуулагдсаны түүхт 100-н жилийн ойн хүрээнд ЕБС-ын Б. Тунгалаг багштай 2005 оны төгсөлтийн анги хамт олноос Спорт заалны урд талын модны хашаанд 6.300000/зургаан сая гурван зуун мянган/ төгрөгний үнэ бүхий 16-н гэрэлтүүлэг, 16-н зүлэгний гэрлийг хийж гүйцэтгэж суманд хүлээлгэн өглөө. Уг ажлыг хийж гүйцэтгэж анги хамт олноо болон, сум орон нутгаа гэсэн сэтгэл гарган, сум орон нутагтаа айх аюулгүй амгалан тайван нөхцөлд амьдрах боломжийг олгож байгаа та бүхний гэгээн үйлсэд чин сэтгэлийн талархал илэрхийлье. БАЯН-ӨНДӨР СУМЫН ИТХ, ЗДТГ

СУМЫН ИРГЭДИЙН ТӨЛӨӨЛӨГЧДИЙН ХУРЛЫН 9 ДЭХ УДААГИЙН БҮРЭН ЭРХИЙН АНХДУГААР ХУРАЛДААН БОЛЛОО...

2024-10-25 43
Анхдугаар хуралдааныг МУЗЗНДНТУТХ-ийн 46.5-д заасны дагуу хуралдаанд хүрэлцэн ирсэн хамгийн ахмад төлөөлөгч болох 4-р тойргоос сонгогдсон Төлөөлөгч Ч. Пүрэвсүрэн даргалж хуралдааныг эхлүүлэв. Сумын иргэдийн Төлөөлөгчдийн Хурлын 9 дэх удаагийн бүрэн эрхийн анхдугаар хуралдаанаар иргэдийн Төлөөлөгчдийн Хурлын 2024 оны ээлжит сонгуулийн дүнгээр сонгогдсон 21 Төлөөлөгчдөд үнэмлэх, энгэрийн тэмдэг гардуулж, бүрэн эрхийг нь баталгаажууллаа. Сумын иргэдийн Төлөөлөгчийн хурлын даргад нэр дэвшигчийг нууц санал хураалтаар санал хураахад Төлөөлөгч Сандагдаваагийн Баянжаргалыг 95%-ийн саналаар Сумын иргэдийн Төлөөлөгчдийн Хурлын даргаар сонгон баталлаа. Сумын Засаг даргад Төлөөлөгч Содномын Чулууншагайг нэр дэвшүүлэн Төлөөлөгчдийн 95%-ийн саналаар дэмжиж дээд шатны Засаг даргад уламжлахаар шийдвэрлэв Та бүхэнд сум орныхоо хөгжил цэцэглэлтийн төлөө бие, сэтгэлээ зориулан ажиллах өндөр хариуцлагатай үйлсэд нь амжилт хүсье. ИТХ-ЫН АЖЛЫН АЛБА

АХМАДЫН БАЯР БОЛЖ БАЙНА

2024-10-18 46
Ахмадын баяраа Баян-Өндөр сумын ахмадууд өнөөдөр тэмдэглэн өнгөрүүлж байна. Өндөр нутгийнхаа 100-н жилийн түүхийг бүтээлцэж залуу халуун насаа улс эх орон,сум ард түмнийхээ төлөө зориулсан ахмад настнууддаа БАЯРЫН МЭНД ХҮРГЭЕ.

АЙМАГ, СУМЫН ИТХ-ЫН СОНГУУЛЬ АМЖИЛТТАЙ ЗОХИОН БАЙГУУЛАГДЛАА.

2024-10-17 47
Аймаг, сумын Иргэдийн Төлөөлөгчдийн хурлын Төлөөлөгчдийг сонгох сонгууль амжилттай зохион байгуулагдлаа. 2024 оны ээлжит сонгуулийг зохион байгуулахад сэтгэл, зүтгэл гарган ажилласан нийт төрийн албан хаагчид, идэвхитэй ирж саналаа өгсөн сонгогч танд чин сэтгэлийн талархал илэрхийлье. Аймаг, нийслэл, сум, дүүргийн Иргэдийн Төлөөлөгчдийн хурлын сонгуулийн тухай хуулийн дагуу хамгийн олон санал авсан, тухайн тойрогт ногдох мандатын тоотой тэнцүү тооны нэр дэвшигчдийг Төлөөлөгчөөр сонгогдсонд тооцсон шийдвэрийг сумын иргэдийн Төлөөлөгчдийн хуралд 2024 оны 10 дугаар сарын 17-ны өдөр өргөн мэдүүллээ. БАЯН-ӨНДӨР СУМЫН СОНГУУЛИЙН ХОРОО

АНХДУГААР ХУРАЛДААН ЗАРЛАГДЛАА.

2024-10-17 40
Сумын иргэдийн төлөөлөгчдийн Хурлын ес дэх удаагийн анхдугаар хуралдааныг сумын Сонгуулийн хорооний 2024-10-17 ны өдрийн 19 дугаар тогтоолоор 2024 оны 10 дугаар сарын 25-ны өдрийн Баасан гарагт хуралдуулахаар шийдвэрлэлээ.

НИЙТИЙН СОНСГОЛ ХИЙНЭ.

2024-10-07 45
Сонсголын сэдэв: “ Сумын түүхт 100 жилийн ойн хандив, зардлын тайлан” Нийтийн сонсголд оролцох ажиглагчийн тоо: 10 ( Ажиглагчаар оролцогч нь сонсголын үед асуулт асуух, үг хэлэх эрхгүй оролцоно) Нийтийн сонсголд оролцогчийн тоо: Тоо заахгүй (Сонсголд зөвхөн бүртгүүлсэн иргэд оролцох бөгөөд оролцогчоор бүртгүүлсэн иргэд нь асуулт асуух, үг хэлэх эрхтэй оролцоно) Сонсгол зохион байгуулах өдөр цаг: 2024 оны 10 сарын 21-ны өдрийн 10:00 цагт Нийтийн сонсгол зохион байгуулах газар: Сумын Засаг даргын Тамгын газрын Иргэний Танхим Холбоо барих утас: 99966452, 89404204 БАЯН-ӨНДӨР СУМЫН ИРГЭДИЙ ТӨЛӨӨЛӨГЧДИЙН ХУРЛЫН АЖЛЫН АЛБА

АЛТАН НАМАР-2024" ҮЗЭСГЭЛЭН ХУДАЛДАА БОЛНО

2024-09-04 42
"Алтан намар-2024" үзэсгэлэн худалдаанд идэвхтэй оролцож, Баян-Өндөрт үйлдвэрлэсэн бүтээгдэхүүн, Бөмбийн хөрсөнд ургасан шинэ ургацын ногоогоо нэг дороос худалдан авахыг урьж байна. Нэг. Үзэсгэлэн худалдааны зорилго Орон нутгийн үйлдвэрлэл, үйлчилгээ эрхлэгч иргэдийн бүтээгдэхүүнийг олон нийтэд сурталчилж, үйлдвэрлэл эрхлэгчдийн идэвх санаачилгыг дэмжин урамшуулж, харилцан туршлага солилцох, орон нутгийн брэнд бүтээгдэхүүн бий болгох. Хоёр. Хамрах хүрээ Орон нутагт үйл ажиллагаа явуулж байгаа аж ахуйн нэгж, төсөвт байгууллагууд, жижиг дунд үйлдвэр эрхлэгчид, хоршоо, худалдаа үйлчилгээ, хоол үйлдвэрлэгчид, тариаланчид, малчид хамрагдана. Гурав. Хугацаа 2024 оны 9 дүгээр сарын 27-ны өдрийн 10:00 цагт Соёлын төвд болно.

ТАРИАЛАН ЭРХЛЭЛТИЙН МЭДЭЭ

2024-09-04 40
Бөмбий, Бор Хужирын атаршсан талбайн тариаланг сэргээснээр өнгөрсөн жил 500 орчим га талбайд тариалан эрхэлж байсан бол 2024 онд 23 иргэн, 5 хоршоо, 1 төрийн бус байгууллага, 3 аж ахуйн нэгж: 🌿 Малын тэжээл 600 га талбайд, 🥔 Төмс 9.5 га талбайд, 🥕Хүнсний ногоо 8 га талбайд тариалжээ.🍓🍒🍉🍅🥦🧄🫑🥒🌶 Хүнсний ногоо төрөл тус бүрээр авч үзвэл: 🥬Байцаа-0.3 га 🥕Лууван-2 га 🍊Шар манжин-3.5 га 🍅Хүрэн манжин-1 га 🧅Сонгино-0.3 га 🧄Саримс 0.1 га 🥒Өргөст хэмх- 0.2 га 🌶Чинжүү-0.1 га 🥦Нарийн ногоо-0.2 га-д тариалсан байна.

УЛСЫН НАЧНЫ МЯЛААЛГА

2024-08-24 40
Өвөрхангай аймгийн Баян-Өндөр сумын харьяат, "Алдар" спорт хороо, Зэвсэгт хүчний 256 дугаар анги, "Их Монголын хүчтэн" дэвжээ, "Нутгийн буян" группийн бөх Монгол Улсын начин Төрбатын Довчинсэмбээгийн Монгол Улсын начин цолны мялаалга наадам 2024 оны 8 дугаар 30-ны өдөр Өвөрхангай аймгийн Баян-Өндөр суманд болно. Монгол Улсын начин Төрбатын Довчинсэмбээд мялаалга өргөх хандивыг ӨНДӨР НУТГИЙН ӨВ САН-гийн 5544193767 дансаар хүлээн авч байна. Нутгийн түмэн олноо дээрх дансаар овог нэр, баг, утасны дугаараа гүйлгээний утга дээр бичиж, Өвөрхангай аймгийн Баян-Өндөр сумаас 44 жилийн дараа төрсөн Монгол Улсын начин цолыг мялаан хүндэтгэл үзүүлэхийг УРИАЛЖ БАЙНА.

ХАНДИВЫН ТАЙЛАН

2024-08-05 37
Сумын 100 жилийн ойн хандивын орлого, зарлагын тайланг хүргүүлж байна.

СУМЫН ТӨВИЙН НИЙТ ИРГЭД, АЙЛ ӨРХҮҮДДЭЭ УРИАЛГА‼️

2024-07-10 35
Баян-Өндөр сум байгуулагдсаны 100-н жилийн түүхт ойг өргөн дэлгэр тэмдэглэн өнгөрүүлэх хүрээнд айл өрх бүр орчноо тохижуулж, хаалга хашаагаа будаж, граниз хадаж өнгө үзэмжийг нь сайжруулахыг уриалж байна.🌟 Доорх зургууд бол хашаа, хаалгаа үлгэр жишээ засч байгаа, янзалсан айл өрхүүд юм шүү. Төрөлх нутгийнхаа өнгө үзэмжид хувь нэмрээ оруулж буй та бүхэндээ баярлалаа.👏 📌ХАШААГАА ӨӨРЧИЛЬЕ 📌ХАШААНДАА САЙХАН АМЬДАРЪЯ

СУМЫН БАРУУН ТАЛЫН АНТЕНТАЙ ОВООН ДЭЭР УГТАХ, ҮДЭХ ХААЛГЫГ ХҮЛЭЭЛГЭН ӨГЛӨӨ

2024-07-08 39
Баян-Өндөр сум, сургууль байгуулагдсаны түүхт 100-н жилийн ойн ажлын хүрээнд Өвөрхангай аймгийн Арвайхээр хот дахь Нутгийн зөвлөлөөс санаачилан 21049800 /Хорин нэгэн сая дөчин есөн мянга найман зуун/ төгрөгний үнэ бүхий Угтах, Үдэх хаалгыг Сумын ЗДТГазарт хүлээлгэн өглөө. Тухайн ажлыг санхүүжүүлж хүлээлгэн өгсөн Өвөрхангай Аймгийн Арвайхээр хот дахь нутгийн зөвлөлийн хамт олон, уг ажилд хамтран оролцож хандив өгсөн 1983 оны 8В ангийн хамт олонд талархал илэрхийлье.

СУМ, СУРГУУЛИЙН 100 ЖИЛИЙН ОЙН ХАНДИВЫН ДАНС

2024-07-01 31
Өвөрхангай аймгийн Баян-Өндөр сум, сургуулийн түүхт 100 жилийн ойн баяр наадмыг зохион байгуулах зорилготой Хандивыг "ӨНДӨР НУТГИЙН ӨВ САН" ТББ-ын 5544193767 тоот дансанд хүлээн авна. Хандивлагч та өөрийн овог нэр, утасны дугаарыг гүйлгээний утга дээр бичиж хандиваа шилжүүлээрэй. Та бүхний санасан бүхэн сэтгэлчлэн бүтэж байхыг ерөөл өргөе. БАЯР НААДАМ ЗОХИОН БАЙГУУЛАХ КОМИСС

НИЙТИЙН БИЕ ЗАСАХ ГАЗРЫГ ХҮЛЭЭЛГЭН ӨГЛӨӨ

2024-06-15 32
Баян-Өндөр сум, сургууль байгуулагдсаны түүхт 100-н жилийн ойн ажлын хүрээнд Улаанбаатар хот дахь Нутгийн зөвлөлөөс санаачилан “Баян-Өндөр-100 тоглолтыг 2023-10-15 нд Улаанбаатар хотод зохион байгуулсан. Энэхүү тоглолтын орлогоос 34.00000/ Гучин дөрвөн сая төгрөгөөр/ сумын Халуун усны хажууд 4-н суултуур, 3 эрэгтэй босоо нойл, 2 угаалтуур бүхий боловсон нойлыг Өвөрхангай Аймгийн Баян-Өндөр сумын нутгийн зөвлөл-өөс хүлээлгэн өглөө. Тухайн ажлыг санхүүжүүлж хүлээлгэн өгсөн Өвөрхангай Аймгийн Баян-Өндөр сумын нутгийн зөвлөлийн хамт олондоо талархал илэрхийлье. Гүйцэтгэгч: Их Хаан Бугуйвч Ххк

БӨМБИЙ 1 ДҮГЭЭР БАГ, БАТХААН 2 ДУГААР БАГИЙН ИРГЭДИЙН НИЙТИЙН ХУРАЛ БОЛЛОО

2024-06-04 39
2024.06.02-ны өдөр Бөмбий багийн төвд 1 дүгээр багийн иргэдийн Нийтийн Хурал, Цахиуртын Хөндийд 2 дугаар багийн иргэдийн Нийтийн Хурал боллоо. Багийн иргэдийн Нийтийн хурлаар 2023, 2024 онд Орон нутгийн хөгжлийн сан, Малын тоо толгойн албан татвараар хийгдсэн ажлууд, хийгдэх ажлууд, 2025 Орон нутгийн хөгжлийн сан, Малын тоо толгойн албан татвараар хийгдэх төсөл, арга хэмжээг эрэмбэлэх тухай, Баян-Өндөр сум сургууль байгуулагдсаны 100-н жилийн ойн баяр наадмын хандивын талаар болон бусад асуудлыг хэлэлцэн шийдвэрлэлээ. Хүрэлцэн ирж хуралдаа идэвх санаачилгатай оролцсон нийт иргэддээ талархал илэрхийлье. Бөмбий, Батхаан баг руу бороо ногоо тэгш, газрын гарц сайн, зуншлага сайхан болж байна.

ӨВӨРЗҮЛЭГТ 3 ДУГААР БАГ, ХАРТОЙРОМ 4 ДҮГЭЭР БАГИЙН ИРГЭДИЙН НИЙТИЙН ХУРАЛ БОЛЛОО

2024-06-03 41
024.06.03-ны өдөр Өвөрзүлэгт багийн төвд 3-р багийн иргэдийн Нийтийн Хурал, Хартойром багийн төвд 4-р багийн багийн иргэдийн Нийтийн Хурал боллоо. Багийн иргэдийн Нийтийн хурлаар 2023, 2024 онд Орон нутгийн хөгжлийн сан, Малын тоо толгойн албан татвараар хийгдсэн ажлууд, хийгдэх ажлууд, 2025 Орон нутгийн хөгжлийн сан, Малын тоо толгойн албан татвараар хийгдэх төсөл, арга хэмжээг эрэмбэлэх тухай, Баян-Өндөр сум сургууль байгуулагдсаны 100-н жилийн ойн баяр наадмын хандивын талаар болон бусад асуудлыг хэлэлцэн шийдвэрлэлээ. Хүрэлцэн ирж хуралдаа идэвх санаачилгатай оролцсон нийт иргэддээ талархал илэрхийлье.

МАЛЧДЫН ЗӨВЛӨГӨӨН БОЛЛОО

2024-05-26 166
Баян-Өндөр сумын малчдын зөвлөгөөн-2024 Монгол улсын арслан, гавьяат дасгалжуулагч Б.Ганбаатарын нэрэмжит спорт зааланд зохион байгуулагдаж өндөрлөлөө. Уг арга хэмжээний хүрээнд 1. Малчдын Шинэ хоршоо-Чинээлэг малчин хөдөлгөөний нээлт, мэдээлэл 2. Мал аж ахуйн талаар төрөөс баримталж байгаа бодлого 3. Өвөлжөө хаваржаандаа малын ногоон тэжээл, Төмс хүнсний ногоо тариалах 4. Сумын түүхт 100-н жилийн ойн арга хэмжээний талаар 5. Малын эрүүл мэндийн талаар баримтлах бодлого 6. Өвөрхангай аймгийн Улсын бүртгэлийн хэлтсээс Эд хөрөнгийн эрхийн улсын бүртгэл, Хуулийн этгээдийн улсын бүртгэл, гадаад паспортын бүртгэлүүд ирж ажиллаа. Зөвлөгөөн уулзалтанд цаг заваа гарган хүрэлцэн ирсэн 300 гаруй малчиддаа талархал илэрхийлээд мал сүрэг нь түм бум хүрч, малчин түмэн маань аз жаргалтай байхын өлзийтэй ерөөлийг өргөн дэвшүүлж сайн сайхан бүхнийг хүсэн ерөөе. Зохион байгуулагч: ИТХ, ЗДТГ, ЕБС, СӨБ, СОЁЛЫН ТӨВ, ЭМТ, ЦАГ УУРЫН ӨРТӨӨ

ТА KHURAL.MN –Д ЯМАР ЧИГЛЭЛИЙН МЭДЭЭ ОРУУЛАХ ХЭРЭГТЭЙ ГЭЖ ҮЗЭЖ БАЙНА ВЭ?

санал өгсөн: 5547
4101 / 74%
906 / 16%
262 / 5%
278 / 5%