Ахмадын баяраа Баян-Өндөр сумын ахмадууд өнөөдөр тэмдэглэн өнгөрүүлж байна. Өндөр нутгийнхаа 100-н жилийн түүхийг бүтээлцэж залуу халуун насаа улс эх орон,сум ард түмнийхээ төлөө зориулсан ахмад настнууддаа БАЯРЫН МЭНД ХҮРГЭЕ.

Аймаг, сумын Иргэдийн Төлөөлөгчдийн хурлын Төлөөлөгчдийг сонгох сонгууль амжилттай зохион байгуулагдлаа. 2024 оны ээлжит сонгуулийг зохион байгуулахад сэтгэл, зүтгэл гарган ажилласан нийт төрийн албан хаагчид, идэвхитэй ирж саналаа өгсөн сонгогч танд чин сэтгэлийн талархал илэрхийлье. Аймаг, нийслэл, сум, дүүргийн Иргэдийн Төлөөлөгчдийн хурлын сонгуулийн тухай хуулийн дагуу хамгийн олон санал авсан, тухайн тойрогт ногдох мандатын тоотой тэнцүү тооны нэр дэвшигчдийг Төлөөлөгчөөр сонгогдсонд тооцсон шийдвэрийг сумын иргэдийн Төлөөлөгчдийн хуралд 2024 оны 10 дугаар сарын 17-ны өдөр өргөн мэдүүллээ. БАЯН-ӨНДӨР СУМЫН СОНГУУЛИЙН ХОРОО

Сумын иргэдийн төлөөлөгчдийн Хурлын ес дэх удаагийн анхдугаар хуралдааныг сумын Сонгуулийн хорооний 2024-10-17 ны өдрийн 19 дугаар тогтоолоор 2024 оны 10 дугаар сарын 25-ны өдрийн Баасан гарагт хуралдуулахаар шийдвэрлэлээ.

Сонсголын сэдэв: “ Сумын түүхт 100 жилийн ойн хандив, зардлын тайлан” Нийтийн сонсголд оролцох ажиглагчийн тоо: 10 ( Ажиглагчаар оролцогч нь сонсголын үед асуулт асуух, үг хэлэх эрхгүй оролцоно) Нийтийн сонсголд оролцогчийн тоо: Тоо заахгүй (Сонсголд зөвхөн бүртгүүлсэн иргэд оролцох бөгөөд оролцогчоор бүртгүүлсэн иргэд нь асуулт асуух, үг хэлэх эрхтэй оролцоно) Сонсгол зохион байгуулах өдөр цаг: 2024 оны 10 сарын 21-ны өдрийн 10:00 цагт Нийтийн сонсгол зохион байгуулах газар: Сумын Засаг даргын Тамгын газрын Иргэний Танхим Холбоо барих утас: 99966452, 89404204 БАЯН-ӨНДӨР СУМЫН ИРГЭДИЙ ТӨЛӨӨЛӨГЧДИЙН ХУРЛЫН АЖЛЫН АЛБА

Бөмбий, Бор Хужирын атаршсан талбайн тариаланг сэргээснээр өнгөрсөн жил 500 орчим га талбайд тариалан эрхэлж байсан бол 2024 онд 23 иргэн, 5 хоршоо, 1 төрийн бус байгууллага, 3 аж ахуйн нэгж: 🌿 Малын тэжээл 600 га талбайд, 🥔 Төмс 9.5 га талбайд, 🥕Хүнсний ногоо 8 га талбайд тариалжээ.🍓🍒🍉🍅🥦🧄🫑🥒🌶 Хүнсний ногоо төрөл тус бүрээр авч үзвэл: 🥬Байцаа-0.3 га 🥕Лууван-2 га 🍊Шар манжин-3.5 га 🍅Хүрэн манжин-1 га 🧅Сонгино-0.3 га 🧄Саримс 0.1 га 🥒Өргөст хэмх- 0.2 га 🌶Чинжүү-0.1 га 🥦Нарийн ногоо-0.2 га-д тариалсан байна.

"Алтан намар-2024" үзэсгэлэн худалдаанд идэвхтэй оролцож, Баян-Өндөрт үйлдвэрлэсэн бүтээгдэхүүн, Бөмбийн хөрсөнд ургасан шинэ ургацын ногоогоо нэг дороос худалдан авахыг урьж байна. Нэг. Үзэсгэлэн худалдааны зорилго Орон нутгийн үйлдвэрлэл, үйлчилгээ эрхлэгч иргэдийн бүтээгдэхүүнийг олон нийтэд сурталчилж, үйлдвэрлэл эрхлэгчдийн идэвх санаачилгыг дэмжин урамшуулж, харилцан туршлага солилцох, орон нутгийн брэнд бүтээгдэхүүн бий болгох. Хоёр. Хамрах хүрээ Орон нутагт үйл ажиллагаа явуулж байгаа аж ахуйн нэгж, төсөвт байгууллагууд, жижиг дунд үйлдвэр эрхлэгчид, хоршоо, худалдаа үйлчилгээ, хоол үйлдвэрлэгчид, тариаланчид, малчид хамрагдана. Гурав. Хугацаа 2024 оны 9 дүгээр сарын 27-ны өдрийн 10:00 цагт Соёлын төвд болно.

Өвөрхангай аймгийн Баян-Өндөр сумын харьяат, "Алдар" спорт хороо, Зэвсэгт хүчний 256 дугаар анги, "Их Монголын хүчтэн" дэвжээ, "Нутгийн буян" группийн бөх Монгол Улсын начин Төрбатын Довчинсэмбээгийн Монгол Улсын начин цолны мялаалга наадам 2024 оны 8 дугаар 30-ны өдөр Өвөрхангай аймгийн Баян-Өндөр суманд болно. Монгол Улсын начин Төрбатын Довчинсэмбээд мялаалга өргөх хандивыг ӨНДӨР НУТГИЙН ӨВ САН-гийн 5544193767 дансаар хүлээн авч байна. Нутгийн түмэн олноо дээрх дансаар овог нэр, баг, утасны дугаараа гүйлгээний утга дээр бичиж, Өвөрхангай аймгийн Баян-Өндөр сумаас 44 жилийн дараа төрсөн Монгол Улсын начин цолыг мялаан хүндэтгэл үзүүлэхийг УРИАЛЖ БАЙНА.

Сумын 100 жилийн ойн хандивын орлого, зарлагын тайланг хүргүүлж байна.

Баян-Өндөр сум байгуулагдсаны 100-н жилийн түүхт ойг өргөн дэлгэр тэмдэглэн өнгөрүүлэх хүрээнд айл өрх бүр орчноо тохижуулж, хаалга хашаагаа будаж, граниз хадаж өнгө үзэмжийг нь сайжруулахыг уриалж байна.🌟 Доорх зургууд бол хашаа, хаалгаа үлгэр жишээ засч байгаа, янзалсан айл өрхүүд юм шүү. Төрөлх нутгийнхаа өнгө үзэмжид хувь нэмрээ оруулж буй та бүхэндээ баярлалаа.👏 📌ХАШААГАА ӨӨРЧИЛЬЕ 📌ХАШААНДАА САЙХАН АМЬДАРЪЯ

Баян-Өндөр сум, сургууль байгуулагдсаны түүхт 100-н жилийн ойн ажлын хүрээнд Өвөрхангай аймгийн Арвайхээр хот дахь Нутгийн зөвлөлөөс санаачилан 21049800 /Хорин нэгэн сая дөчин есөн мянга найман зуун/ төгрөгний үнэ бүхий Угтах, Үдэх хаалгыг Сумын ЗДТГазарт хүлээлгэн өглөө. Тухайн ажлыг санхүүжүүлж хүлээлгэн өгсөн Өвөрхангай Аймгийн Арвайхээр хот дахь нутгийн зөвлөлийн хамт олон, уг ажилд хамтран оролцож хандив өгсөн 1983 оны 8В ангийн хамт олонд талархал илэрхийлье.

Өвөрхангай аймгийн Баян-Өндөр сум, сургуулийн түүхт 100 жилийн ойн баяр наадмыг зохион байгуулах зорилготой Хандивыг "ӨНДӨР НУТГИЙН ӨВ САН" ТББ-ын 5544193767 тоот дансанд хүлээн авна. Хандивлагч та өөрийн овог нэр, утасны дугаарыг гүйлгээний утга дээр бичиж хандиваа шилжүүлээрэй. Та бүхний санасан бүхэн сэтгэлчлэн бүтэж байхыг ерөөл өргөе. БАЯР НААДАМ ЗОХИОН БАЙГУУЛАХ КОМИСС

Баян-Өндөр сум, сургууль байгуулагдсаны түүхт 100-н жилийн ойн ажлын хүрээнд Улаанбаатар хот дахь Нутгийн зөвлөлөөс санаачилан “Баян-Өндөр-100 тоглолтыг 2023-10-15 нд Улаанбаатар хотод зохион байгуулсан. Энэхүү тоглолтын орлогоос 34.00000/ Гучин дөрвөн сая төгрөгөөр/ сумын Халуун усны хажууд 4-н суултуур, 3 эрэгтэй босоо нойл, 2 угаалтуур бүхий боловсон нойлыг Өвөрхангай Аймгийн Баян-Өндөр сумын нутгийн зөвлөл-өөс хүлээлгэн өглөө. Тухайн ажлыг санхүүжүүлж хүлээлгэн өгсөн Өвөрхангай Аймгийн Баян-Өндөр сумын нутгийн зөвлөлийн хамт олондоо талархал илэрхийлье. Гүйцэтгэгч: Их Хаан Бугуйвч Ххк

2024.06.02-ны өдөр Бөмбий багийн төвд 1 дүгээр багийн иргэдийн Нийтийн Хурал, Цахиуртын Хөндийд 2 дугаар багийн иргэдийн Нийтийн Хурал боллоо. Багийн иргэдийн Нийтийн хурлаар 2023, 2024 онд Орон нутгийн хөгжлийн сан, Малын тоо толгойн албан татвараар хийгдсэн ажлууд, хийгдэх ажлууд, 2025 Орон нутгийн хөгжлийн сан, Малын тоо толгойн албан татвараар хийгдэх төсөл, арга хэмжээг эрэмбэлэх тухай, Баян-Өндөр сум сургууль байгуулагдсаны 100-н жилийн ойн баяр наадмын хандивын талаар болон бусад асуудлыг хэлэлцэн шийдвэрлэлээ. Хүрэлцэн ирж хуралдаа идэвх санаачилгатай оролцсон нийт иргэддээ талархал илэрхийлье. Бөмбий, Батхаан баг руу бороо ногоо тэгш, газрын гарц сайн, зуншлага сайхан болж байна.

024.06.03-ны өдөр Өвөрзүлэгт багийн төвд 3-р багийн иргэдийн Нийтийн Хурал, Хартойром багийн төвд 4-р багийн багийн иргэдийн Нийтийн Хурал боллоо. Багийн иргэдийн Нийтийн хурлаар 2023, 2024 онд Орон нутгийн хөгжлийн сан, Малын тоо толгойн албан татвараар хийгдсэн ажлууд, хийгдэх ажлууд, 2025 Орон нутгийн хөгжлийн сан, Малын тоо толгойн албан татвараар хийгдэх төсөл, арга хэмжээг эрэмбэлэх тухай, Баян-Өндөр сум сургууль байгуулагдсаны 100-н жилийн ойн баяр наадмын хандивын талаар болон бусад асуудлыг хэлэлцэн шийдвэрлэлээ. Хүрэлцэн ирж хуралдаа идэвх санаачилгатай оролцсон нийт иргэддээ талархал илэрхийлье.

Баян-Өндөр сумын малчдын зөвлөгөөн-2024 Монгол улсын арслан, гавьяат дасгалжуулагч Б.Ганбаатарын нэрэмжит спорт зааланд зохион байгуулагдаж өндөрлөлөө. Уг арга хэмжээний хүрээнд 1. Малчдын Шинэ хоршоо-Чинээлэг малчин хөдөлгөөний нээлт, мэдээлэл 2. Мал аж ахуйн талаар төрөөс баримталж байгаа бодлого 3. Өвөлжөө хаваржаандаа малын ногоон тэжээл, Төмс хүнсний ногоо тариалах 4. Сумын түүхт 100-н жилийн ойн арга хэмжээний талаар 5. Малын эрүүл мэндийн талаар баримтлах бодлого 6. Өвөрхангай аймгийн Улсын бүртгэлийн хэлтсээс Эд хөрөнгийн эрхийн улсын бүртгэл, Хуулийн этгээдийн улсын бүртгэл, гадаад паспортын бүртгэлүүд ирж ажиллаа. Зөвлөгөөн уулзалтанд цаг заваа гарган хүрэлцэн ирсэн 300 гаруй малчиддаа талархал илэрхийлээд мал сүрэг нь түм бум хүрч, малчин түмэн маань аз жаргалтай байхын өлзийтэй ерөөлийг өргөн дэвшүүлж сайн сайхан бүхнийг хүсэн ерөөе. Зохион байгуулагч: ИТХ, ЗДТГ, ЕБС, СӨБ, СОЁЛЫН ТӨВ, ЭМТ, ЦАГ УУРЫН ӨРТӨӨ

Өвөрхангай аймгийн Баян-Өндөр сумын Багийн Иргэдийн Нийтийн Хурал: 1️⃣Бөмбий 1 дүгээр багийн БИНХурал 06 дугаар сарын 02-ны өдрийн 11:00 цагт Багийн төвд 2️⃣Батхаан 2 дугаар багийн БИНХурал 6 дугаар сарын 02-ны өдрийн 15:00 цагт Цахиуртын хөндийд 3️⃣Өвөрзүлэгт 3 дугаар багийн БИНХурал 6 дугаар сарын 03-ны өдрийн 11:00 цагт багийн төвд 4️⃣Хартойром 4-р багийн БИНХурал 6 дугаар сарын 03-ны өдрийн 15:00 цагт багийн төвд 5️⃣Бумбат 5 дугаар багийн БИНХ 6 дугаар сарын 04 ны өдрийн 14:00 цагт Соёлын төвд тус хуралдана. 📣Хуралдаанаар: 1. Орон нутгийн хөгжлийн сангийн 2025 онд хийгдэх ажлуудад санал авна 2. Сумын түүхт 100-н жилийн ойн ажлын явц, хандивын тухай 3. Шинэ хоршоо хөдөлгөөний талаар, 4. Бусад асуудлуудыг хэлэлцэн шийдвэрлэнэ. 📣Иргэд Та бүхэн хуралдаа идэвхи санаачилгатай оролцоно уу.

Өвөрхангай аймгийн Баян-Өндөр сумын төрийн тахилгат Баян-Өндөр хайрхан уулын тэнгэрийг тайх тахилгын ёслол 2024 оны 5 дугаар сарын 27-ны өдөр болно.

2024.05.26-ны ням гарагийн өглөөний 09 цагт Баян-Өндөр сумын малчдын зөвлөгөөн Монгол улсын арслан, гавьяат дасгалжуулагч Б.Ганбаатарын нэрэмжит спорт зааланд болно. Уг арга хэмжээний хүрээнд малчдын Шинэ хоршоо-Чинээлэг малчин хөдөлгөөний мэдээлэл, мал аж ахуйн талаар төрөөс баримтлах байгаа бодлого, хоршооны бүртгэлийн мэдээллийг холбогдох мэргэжилтнүүд өгнө. Мөн энэ үеэр Өвөрхангай аймгийн Улсын бүртгэлийн хэлтсээс Эд хөрөнгийн эрхийн улсын бүртгэл, Хуулийн этгээдийн улсын бүртгэл, гадаад паспортын бүртгэлүүд ирж ажиллах тул шинээр хоршоонд бүртгүүлэх малчид 5-26-ны өдрөөс өмнө материалаа бүрдүүлнэ үү. Малчин түмэн та бүхнийг өргөнөөр хүрэлцэн ирэхийг урьж байна. Зохион байгуулагч: ИТХ, ЗДТГ, ЕБС, СӨБ, СОЁЛЫН ТӨВ, ЭМТ, ЦАГ УУРЫН ӨРТӨӨ

БАЯН-ӨНДӨР сумын "АЛДАРТ ЭХ" I, II зэргийн одон гардуулах ёслол 2024.05.31-ний өдрийн 10:00 цагт Соёлын төвд болох тул "АЛДАРТ ЭХ" I, II зэргийн одон авах эхчүүд хүрэлцэн ирэхийг урьж байна. 🥰

Баян-Өндөр сум, сургуулийн 100-н жилийн ойг угтан ЕБС-аас зохион байгуулж байгаа Хөдөлмөрийн гавъяаны улаан тугийн одонт, Алтан гадас одонт, Ардын боловсролын тэргүүний ажилтан Ж. Гомбожав, Т. Доржготов багш нарын нэрэмжит Зүүн бүсийн сумдын математикийн олимпиад амжилттай зохион байгуулагдаж байна. Энэхүү арга хэмжээ нь 2018 онд үр хүүхдүүдийнх санаачлагаар суманд зохион байгуулагдаж байсан бол энэ онд Өвөрхангай аймгийн зүүн бүсийн сумдын дунд зохион байгуулагдаж өргөжиж байна. Уг арга хэмжээг ивээн тэтгэж зохион байгуулсан Ж. Гомбажав багшийн гэр бүл, үр хүүхдүүд Т. Доржготов багшийн гэр бүл, үр хүүхдүүдэд талархал илэрхийлье.